Энди ДХМ ёки ички ишлар органларига боришингиз, расмга тушиб, ҳужжатларга имзо қўйиб, навбатлар кутиб овора бўлиб юришингиз шарт эмас!

Янги ҳайдовчилик гувоҳномасини почта хизмати уйингизга этказиб беради!

Жорий йилнинг 30-январидан бошлаб эски намунадаги ҳайдовчилик гувоҳномасини уйдан туриб ЯИДХП (my.gov.uz) орқали алмаштириш мумкин.

Бунинг учун:

1. Ариза берувчи ЯИДХПда рўйхатдан ёки авторизациядан ўтади ва ариза юборади;

2. Ариза шакллантириш жараёнида фойдаланувчининг  ID карта ёки биометрик паспортидаги расмдан фойдаланишга розилик билдиради, расмдан фойдаланишни рад этган тақдирда янги расмга тушиш учун Давлат хизматлари маркази ёки Йўл ҳаракати хавфсизлиги хизматининг ҳудудий Рўйхатдан ўтказиш ва имтиҳон олиш бўлинмаларига ташриф буюради;

3. Компютер ёки мобил телефон ёрдамида имзо чекади;

4. Тўловлар амалга оширилади (БҲМнинг 70 фоизи - 210 000 сўм) ва қўшимча тоʻлов (25 000 сўм) эвазига почта хизмати орқали икки иш кунида  ҳайдовчилик гувоҳномаси аризачи берган манзилга етказиб берилади.

Агар гувоҳномани ўзингиз бориб олишни истасангиз, аризада белгиланган ДХМга ташриф буюрасиз.