Call-center
My.gov.uz порталида “Талабалар турар жойига жойлашиш учун ариза юбориш (1-курс талабалари учун)” хизмати ишга туширилди!
2023-2024-ўқув йилида талабаликка тавсия этилган абитуриентлар ҳозироқ my.gov.uz портали орқали олий таълим муассасалари ётоқхоналарига жойлашиш учун онлайн ариза юборишлари мумкин.
Аризани кўриб чиқишда турли имтиёзлар ва устуворликлар ҳисобга олинади. Ушбу рўйхат билан ариза тўлдириш жараёнида танишасиз.
Шунингдек, имтиёзга эга бўлмаган талабаларга махсус навбат рақами берилади. Ётоқхонада бўш ўринлар бўлса, мазкур рақам асосида турар жой учун йўлланма тақдим этилади.
Эслатиб ўтамиз!
Жорий ўқув йилида ушбу хизматдан фақат 1-босқич талабалари, кейинги ўқув йилидан эса барча талабалар фойдаланишлари мумкин.
