Ижтимоий тармоқларда давлат ташкилотлари ҳанузгача кўпчиликдан талаб қилиниши тақиқланган ҳужжатларни сўраётгани ҳақидаги шикоятлар ёзиб қолдирилмоқда.

Эслатиб ўтамиз!

Қонунчилигимизда (ПФ–6191-сон, ПФ–6269-сон– тўлиқ рўйхат) аҳолидан қуйидаги ҳужжатларни талаб қилиш аллақачон бекор бўлган:

- шахсни тасдиқловчи ҳужжат нусхаси;

- шахснинг белгиланган шаклдаги фотосурати;

- диплом маълумотлари (олий таълим ва ўрта махсус);

- кам таъминланганлиги тўғрисидаги маълумотлар;

- СТИР маълумотлари;

- имтиёзга эгалик тўғрисидаги маълумотлар ва бошқалар.

Бу турдаги ҳужжатлар давлат ташкилотлари томонидан идоралараро ҳамкорлик йўли билан олинади.

Ушбу ҳужжат ва маълумотларнинг аҳолидан талаб қилиниши давлат хизматларини кўрсатиш соҳасидаги қонунчилик талабларининг бузилиши ҳисобланиб, бундай йўл тутган давлат идоралари учун жавобгарлик мавжуд.

Ҳурматли фуқаролар, агар Сиз талаб қилиниши бекор бўлган ҳужжатларни сўраш ҳолатларига дуч келсангиз, Адлия вазирлигининг 1148 колл-марказига мурожаат қилишингиз мумкин.

Шунингдек, бу ҳақда бот манзилига  ёзиб қолдирсангиз ҳам бўлади.