My.gov.uz да пенсия тайинлаш учун ариза топшириш бўйича янги онлайн хизмат ишга туширилди. Энди пенсия олиш учун мурожаат қилишнинг анъанавий усулидаги қийинчиликлар ва ноқулайликларни унутинг.

Хизматнинг афзалликлари:

Аввало, қулай: исталган пайтда ва интернетга кириш имконияти бўлган жойдан пенсия олиш учун ариза топшириш мумкин.

Вақтни тежайди: кунлар навбат кутиб ўтказилмайди. Онлайн хизмат вақтни тежаш ва натижани тезроқ олиш имконини беради.

Шунингдек, оддий: ариза топшириш жараёни анча содда ва тушунарли. Барча зарур қадамлар ва кўрсатмалар хизмат интерфейсида келтирилган.

Хизматдан фойдаланиш учун:

- my.gov.uz га кириш;

- тегишли хизматни танлаш;

- сўралган маълумотларни тўлдирган ҳолда ариза йўллаш кифоя.

Натижа 10 иш кунида тақдим этилади. Хизматдан фойдаланиш мутлақо бепул!

Янги онлайн хизматдан фойдаланинг ва ҳеч қандай муаммосиз пенсия олинг!