image

Энди барча фанлардан миллий сертификат олиш мумкин

22.02.2024

My.gov.uz порталида барча фанлардан (тегишли умумтаълим ва махсус фанлардан) билиш даражасини аниқлаш ва миллий сертификат олиш учун имтиҳонда қатнашишга ариза бериш хизмати жорий этилди.  Шу ўринда биология, қорақалпоқ тили ва адабиёт фанларидан миллий сертификат имтиҳони учун рўйхатга олиш бошланганини маълум қиламиз.

Рўйхатга олиш Вазирлар Маҳкамасининг 2024 йил 10 январдаги 17-сон қарорига мувофиқ Ягона интерактив давлат хизматлари портали (my.gov.uz) орқали амалга оширилмоқда.

Хизмат учун базавий ҳисоблаш миқдорининг 1,5 баравари миқдорида тўлов ундирилади, my.gov.uz орқали фойдаланганда 10 фоиз арзон бўлади.

Маълумот ўрнида: Умумтаълим фанларини билиш даражасига қараб А+, А, Б+, Б, C+, C даражали сертификатлар берилади.

Сертификатлар 3 йил муддатга берилади.

Тест натижалари халқаро методика — Раш модели асосида ҳисобланади.

Унга кўра: 

  • 70 баллдан юқори балл олган талабгорга А+ даража
  • 65-69,9 балл олган талабгорга А даража
  • 60-64,9 балл олган талабгорга B+ даража
  • 55-59,9 балл олган талабгорга B даража
  • 50-54,9 балл олган талабгорга C+ даража
  • 46-49,9 балл олган талабгорга C даражали сертификат берилади. 

Абитуриентлар диққатига!

А+, А даражали сертификат олган абитуриентларга олий таълим муассасаси бакалавриатига ўқишга қабул қилиш бўйича тест синовларида ушбу фандан белгиланган максимал балл берилади.

Барча янгиликлар

My.gov.uz имтиёзга эга шахсларга уларни даволаш учун сарфланган маблағ ва дори воситалари ҳақида онлайн маълумот беради

Ягона порталда Давлат тиббий суғурта жамғармаси фаолиятига оид янги хизмат ишга туширилди

16.04.2024
Миллий сертификат олиш учун имтиҳонда қандай қатнашса бўлади?

Бунинг учун сизга my.gov.uz ёрдам беради. Бош саҳифадан “Таълим” бўлимига ўтиб, “Умумтаълим фанлари даражасини аниқлаш” хизматини танланг ва имтиҳонда қатнашиш учун ариза топширинг.

14.04.2024
Физика ва тарих фанларидан миллий сертификат имтиҳони учун рухсатномалар эълон қилинди

2024 йил 7 апрель (якшанба) куни бўлиб ўтадиган физика ва тарих фанларидан миллий сертификат имтиҳони учун талабгорларга рухсатномалар юборилди

04.04.2024
Агро хизматлар соҳасида малака оширишни истайсизми?

Эндиликда жисмоний шахслар Агрохизматлар маркази (АКИС) ўқув курсларида малака оширишга my.gov.uz орқали онлайн ариза топшириши мумкин.

03.04.2024
My.gov.uz портали сервер қурилмалари кўчирилмоқда!

Жорий йилнинг 21-24 март кунлари Ягона интерактив давлат хизматлари портали (my.gov.uz) сервер қурилмаларини Рақамли ҳукумат марказининг Маълумотларни қайта ишлаш марказига кўчириш бўйича ташкилий-техник ишлар амалга оширилади.

15.03.2024