Ўзбекистон Республикаси Вазирлар Маҳкамасининг 2024 йил 12 февралдаги 87-сон қарорига мувофиқ 2023/2024 ўқув йилидан бошлаб педагогик касбга биринчи марта ишга қабул қилинадиган олий маълумотли кадрлар 1 йил ичида касбий сертификатга эга бўлиши талаб этилади.

Мазкур талабдан келиб чиқиб My.gov.uz порталида "Давлат умумий ўрта таълим ташкилотлари педагог кадрларини касбий сертификатлаш" хизмати ишга туширилди.

Бу турдаги сертификатлаш жараёни Мактабгача ва мактаб таълими вазирлиги томонидан ташкил этилади, назорат қилинади ва мувофиқлаштирилади.

Касбий сертификат — назорат синовидан муваффақиятли ўтган жисмоний шахсга педагогик фаолият билан шуғулланиш ҳуқуқини берувчи QR-код қўйилган давлат намунасидаги ҳужжатдир.

Сертификат чекланмаган муддатга берилади.

Назорат синовида биринчи марта иштирок этиш бепул. 

Қайта иштирок этишга My.gov.uz орқали ариза беришда 10 фоиз чегирма билан 306 000 сўм (0,9 БҲМ) тўланади.

Эслатма: Касбий сертификат олингандан сўнг педагогик фаолиятда беш ва ундан кўп йил узилишлар бўлса, фаолиятни қайта бошлаган вақтдан бир йил муддат ичида касбий сертификатга эга бўлиши лозим.