Ягона порталда Давлат тиббий суғурта жамғармаси фаолиятига оид янги хизмат ишга туширилди.

Эндиликда имтиёзга эга шахслар тиббиёт ташкилотларининг уларга кўрсатган тиббий хизматлари, дори воситалари ва тиббий буюмлар учун Давлат тиббий суғурта жамғармаси томонидан қопланган маблағлар ҳақида тўлиқ маълумотларни онлайн тарзда олишлари ва бу орқали жамоатчилик назоратини ўрнатишлари мумкин. 

Бунинг учун my.gov.uz порталига кириб, “Имтиёзли тоифага кирувчи шахсга электрон йўлланма асосида кўрсатилган тиббий хизматлар маълумоти” ни олишга сўров юборилади. 

Ота-оналар ҳам ушбу хизмат орқали фарзандларига кўрсатилаётган тиббий хизматлар ҳақида тўлиқ маълумот олиш имкониятига эга. 

Хизматдан фойдаланиш мутлақо бепул!