Call-center

1242
my.gov.uz умумий саволлар (24/7)
1148
таклиф ва шикоятлар

Ноширлик ва матбаа соҳасида фаолият кўрсатувчи тадбиркорлар учун

30.07.2020

Эндиликда ноширлик ва матбаа соҳасида фаолият кўрсатувчи тадбиркорлардан лицензия ва рухсатнома олиш талаб этилмайди.

Бунда тадбиркорлик субъектлари ноширлик ва матбаа фаолиятини бошлаганидан кейин 10 кун ичида Давлат хизматлари марказлари ёки Ягона интерактив давлат хизматлари портали орқали Ахборот ва оммавий коммуникациялар агентлигини хабардор қилиб қўйиши керак.

Тадбиркорларнинг давлат муассасаларига шахсан мурожаат қилишлари ҳам шарт эмас. Бунинг учун интернет тармоғи орқали Ягона интерактив давлат хизматлари порталига кириб, “Лицензиялаш” бўлимидан “Матбаа фаолиятини амалга оширишда ваколатли давлат органини хабардор қилиш” банди орқали керакли хизматни топиши, тегишли майдонларни тўлдириб, ариза юбориши ва автоматик тарзда тасдиқнома олиши мумкин. Бундан ташқари, сайтнинг қидирув тизимидан “матбаа”, “ноширлик” калит сўзларини киритиш орқали ҳам бир неча сонияда ушбу хизматларни топиш имконияти мавжуд.

Хабарнома юборилганидан сўнг, автоматик тарзда натижаси бўйича давлат реестрига киритилганлиги тўғрисида QR-код қўйилган тасдиқнома тадбиркорга реал вақт режимида берилади. Энг муҳими, мазкур хизматлар мутлақо бепул амалга оширилади.

Мазкур янгилик лицензия ва рухсат бериш соҳасида амалга оширилаётган ислоҳотларнинг мантиқий давоми сифатида тадбиркорлик субъектларига янада кўпроқ қулайлик яратишга хизмат қилади.

Эслатма, ноширлик фаолияти учун аввал олинган ва амал қилиш муддати тугамаган лицензияси бўлган тадбиркорлар ўз фаолиятини давом эттираётганлиги тўғрисида ваколатли органни хабардор қилиб қўйишлари лозим.

Хизматга ўтиш ҳаволалари:
https://my.gov.uz/uz/service/317
https://my.gov.uz/uz/service/318

Барча янгиликлар

Уйингизни ортиқча оворагарчиликсиз ижарага беринг

My.gov.uz даги “Кўчмас мулк ижара шартномаларини солиқ органларида ҳисобга қўйиш” хизмати туфайли кўчмас мулкни уйдан чиқмаган ҳолда ижарага бериш мумкин.

27.01.2023
Автотранспорт бошқаруви учун ишончномани ўзингиз осонгина расмийлаштириб олинг

Ҳозирги кунда автотранспорт бошқаруви учун ишончномани my.gov.uz орқали 5 дақиқада расмийлаштириб олиш мумкин.

23.01.2023
Кира қилиш учун лицензия варақасини олиш my.gov.uz да арзонга тушади!

Енгил автомобилда йўловчи ташиш лицензия варақасини олишнинг янги тартиби жорий қилинганидан хабарингиз бор.

16.01.2023
Аномал совуқ яқинлашмоқда. Ҳужжат ишларини деб совуқда қолишингиз шарт эмас!

Юртимизга аномал совуқ кириб келаётганидан хабарингиз бор. Айни вақтда ташқарида оппоқ қор ва ҳаво ҳарорати -6 даражадан пасайиб бормоқда. Оппоқ қор яхши, ғуборларни йўқотади, турли инфекцияларни “ўлдиради”.

10.01.2023
Диққат, эълон!

“Ягона интегратор UZINFOCOM” МЧЖ томонидан навбатдаги техник-профилактик ишлар амалга оширилиши муносабати билан 2023-йил 6-январдан 7-январга ўтар кечаси соат 01:00 дан 04:00 га қадар my.gov.uz тизимида вақтинча узилиш кузатилиши мумкин.

06.01.2023