🆕Яна иккита янги хизматдан онлайн фойдаланиш мумкин!

📱Эндиликда Юридик ва жисмоний шахсларга тегишли бўлган ҳаракатдаги темир йўл таркиби ҳамда Темир йўл инфратузилмаси объектларини давлат рўйхатидан ўтказиш ва рўйхатдан ўтганлиги ҳақида гувоҳнома олиш тартиби осонлашди.

1️⃣ Ҳаракатдаги темир йўл таркибини рўйхатдан ўтказиш

🚂 Мазкур хизмат орқали локомотив ва моторвагонлар, йўловчи ва юк вагонлар ва махсус ҳаракатдаги таркибни рўйхатдан ўтказиш (қайта рўйхатдан ўтказиш, рўйхатдан чиқариш, фойдаланишни вақтинча тўхтатиш) мумкин.

2️⃣ Темир йўл инфратузилмаси объектларини рўйхатдан ўтказиш

🛃 Ушбу хизмат орқали станция, бекатлар оралиғи ҳамда шаҳобча йўлларини рўйхатдан ўтказиш (қайта рўйхатдан ўтказиш, рўйхатдан чиқариш, фойдаланишни вақтинча тўхтатиш) мумкин.

💰Хизматлардан my.gov.uz орқали фойдаланганда 10% чегирма мавжуд.

✨ Ҳаракатдаги темир йўл таркиби ва темир йўл инфратузилмаси объектларини рўйхатдан (қайта рўйхатдан) ўтказиш - 0.09 БҲМ;

❕Ҳаракатдаги темир йўл таркиби ва темир йўл инфратузилмаси объектларини рўйхатдан чиқариш ҳамда фойдаланишни вақтинча тўхтатиш - Бепул.

👉 Мазкур хизматлар Вазирлар Маҳкамасининг 2023-йил 15-декабрдаги 668-сон қарорига мувофиқ ишга туширилди.

#транспорт  #туризм #янгихизмат