Call-center
Бундан буёғига ҳайдовчилик гувоҳномасини олиш учун ўқиш вақтида машғулотларга қатнашмаслик, ўқимаслик ўзингизга зарар бўлади. Чунки, Вазирлар Маҳкамасининг 2021 йил 4 майдаги 272-сон қарорига мувофиқ, энди ҳайдовчилик гувоҳномасини олиш учун топшириладиган назарий ва амалий имтиҳонлар тадбиркорлик субъектлари томонидан инсон омили чекланган ҳолда, автоматлаштирилган автодром ва имтиҳон олиш хоналарида ўтказилишини айтмоқда ЙҲХББ.
Хабарга кўра, мазкур автоматлашган тизим ҳайдовчиликка номзодларнинг ўқув муассасасига келиб кетиши, дарсларда ва машғулотларда қатнашиши, ички имтиҳонлардан ўтган ёки ўтмаганлигининг тўлиқ назоратини олиб бориб, якуний имтиҳонларга рухсат беради.
Натижада имтиҳонлардан ўтиш учун биргина имконият қолади — бу яхши ўқиш, йўл ҳаракати қоидаларини пухта ўзлаштириш ва автомототранспорт воситасини бошқаришни мукаммал ўрганиш.
ЙҲХББ, шунингдек, фуқароларни коррупцион йўллар орқали ҳайдовчилик гувоҳномасини олиш ҳақида ўйлаш эндиликда иложсиз ва нотўғри қарор эканлиги бўйича ҳам огоҳлантирмоқда.
Маълумот ўрнида:
Ҳайдовчиларни тайёрлаш ўқув курсини тамомлаган фуқаролар ўз ҳужжатларини ҳудудий рўйхатдан ўтказиш ва имтиҳон олиш бўлинмаларига юбориш учун Ягона интерактив давлат хизматлари порталида жорий этилган “Ҳайдовчилик гувоҳномасини олиш учун имтиҳонга ариза топшириш” хизматидан фойдаланишлари мумкин.
1242
Барча хизматлар
Қайта алоқа
Телеграм чат-бот