Бош ютуқ – автомобиль 

2022 йилнинг январь, февраль ва март ойларида эмланганлик сертификатини олган фуқаролар ўртасида қимматбаҳо ютуқли ўйин (бош соврин — автомобиль) ташкил этилади. Бу ҳақда Соғлиқни сақлаш вазирлигининг Мурожаатномасида айтилган эди.

Бугун Вазирлик ушбу Мурожаатномага қўшимча изоҳ қолдирган. Унга кўра, матнда кўрсатилган муддатлардан аввал коронавирус инфекциясига қарши эмланганлик сертификатини олган фуқароларимиз ҳам шу йилнинг февраль ойидан бошлаб ўтказиладиган мазкур ютуқли ўйинда иштирок этишлари мумкин.

Эмлаш масалалари бўйича мурожаат учун телефон рақами: 78-888-01-01.

Ёдда тутинг!

Азиз юртдошлар, айни вазиятда СОВИД-19га эмлашга ёзилиш, ҳолатни текшириш ва тегишли сертификатни олишнинг энг қулай ва хавфсиз йўли бу мазкур хизматдан электрон тарзида – Ягона интерактив давлат хизматлари портали (my.gov.uz) орқали фойдаланишдир.

Батафсил: https://youtu.be/iXzkZvxIsXs