Call-center
Умра сафарига отланган бир юртдошимиз ҳамма ҳужжатларини тўғрилаб, қўлига билетини олдим деганида, унинг номига “йўқ жойдан” катта қарздорлик чиқиб келибди. Аниқлаштирса, бу қачонлардир унга тегишли бўлган, бироқ янги эгаси ўз номига тўлиқ расмийлаштирмаган хизмат иншоотининг йиллар давомида тўпланиб қолган тўловлари экан...
Агар билсангиз, ижро ҳужжати бўйича қарздорлик юзага келиб, қарздорга нисбатан ижро иши қўзғатилса, суд томонидан унинг чет элга чиқиши тақиқланиши ёки мол-мулки хатланиши мумкин. Яъни қарздор муаммони тезроқ ҳал қилмаса, чет элга чиқолмайди.
Бу каби кўнгилсиз вазиятларнинг олдини олиш учун my.gov.uz да “Ижро ҳужжати бўйича қарздорликни текшириш” хизмати жорий этилган.
Мажбурий ижро бюросига ўтказилган қарздорлик мавжуд ёки йўқлиги ҳақида олдиндан хабардор бўлиш, сиз томонингиздан нотўғри деб топилган қарздорлик ҳақида батафсил маълумот олиш ҳамда масъул ижрочилар билан боғланиб, хатоликни бартараф этиш учун хизматдан фойдаланиб кўринг.
Бунинг учун сиздан ҳеч қандай маълумот ҳам, харажат ҳам талаб этилмайди.
Батафсил маълумот билан қуйидаги видеойўриқнома орқали танишинг: https://youtu.be/G2JtvgVs60k
1242
Барча хизматлар
Қайта алоқа
Телеграм чат-бот