Жорий йилнинг 2 апрель куни Ўзбекистон Республикаси Ички ишлар вазирлиги Малака ошириш институтида Электрон ҳукумат лойиҳаларини бошқариш маркази мутахассислари томонидан Ягона интерактив давлат хизматлари портали (my.gov.uz) орқали электрон давлат хизматларидан фойдаланиш бўйича давра суҳбати бўлиб ўтди.

Унда йиғилганларга тизим имкониятлари ва афзалликлари, яратилган қулайликлар тушунтирилиш баробарида айрим электрон давлат хизматларидан фойдаланиш амалда кўрсатиб ҳам берилди.

Хусусан, профилактика инспекторлари томонидан «маҳаллабай» ишлаш доирасида фуқаролар томонидан келиб тушаётган нафақа тайинлаш, ипотека кредитига давлат субсидиясини олишга ариза бериш, 16 ва ундан катта ёшдаги ногиронларни протез-ортопедия маҳсулотлари ва реабилитация техник воситалари билан таъминлаш талонини расмийлаштиришда тиббий хулоса олиш каби хизматлардан фойдаланиш имкониятлари тушунтириб берилди.

Давра суҳбати якунида профилактика инспекторлари ўзларини қизиқтирган саволларга жавоблар олишди.