Ҳозирги кунда ногиронлиги бўлган шахслар нафақа тайинлашга my.gov.uz орқали онлайн ариза бериш имкониятига эгадирлар.
“Нафақа тайинлаш учун ариза бериш” хизматидан қуйидаги шахслар фойдаланишлари мумкин:

• ногиронлиги бўлган 18 ёшгача болалар;
• одамнинг иммунитет танқислиги вирусини келтириб чиқарадиган касалликка (ОИВ инфекциясига) чалинган 18 ёшгача бўлган шахслар;
• 18 ёшдан катта болаликдан ногиронлиги бўлган шахслар;
• болаликдан ногиронлиги бўлган фарзанди бор (бўлган) оналарга ёшга доир нафақа;
• ёшидан қатъи назар иш стажига эга бўлмаган I ва II гуруҳ ногиронлари.

Шунингдек, my.gov.uz орқали:

16 ва ундан катта ёшдаги ногиронлиги бўлган шахслар протез-ортопедия маҳсулотлари ва реабилитация техник воситалари билан таъминлаш талонини расмийлаштиришда тиббий хулоса олиш учун электрон ариза тақдим этишлари мумкин.

I ва II гуруҳ ногиронлиги бўлган шахсларга давлат хизматларини кўрсатишда қонунчилик ҳужжатларида белгиланган давлат божлари, йиғимлар ва бошқа ҳар қандай тўловлар бўйича 50 фоиз миқдорида чегирма қўлланилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно).