Инвесторларга янги меҳмонхона қуриш ва уни жиҳозлаш учун субсидия ажратиш ҳамда франчайзинг асосида қисман молиялаштириш

Инвестор (ташкилот) субсидия ёкида ташкилотни молиялаштириш олиш учун йилнинг 1-мартга қадар ЯИДХПдан сўров юборади.

Субсидия олиш тартиби.
Субсидия олиш имконияти 2027-йил 1-мартга қадар мавжуд. 

Субсидия бир марта ажратилиб, унинг миқдори келгуси йил учун Давлат бюджети параметрларини тасдиқлаш жараёнида ушбу микдорни ҳар йили индексация қилган ҳолда:
- юлдузли тоифага эга меҳмонхоналардаги ҳар бир хона учун 40 миллион сумни;
- 5 юлдузли тоифага эга меҳмонхоналардаги ҳар бир хона учун 65 миллион сумни ташкил этади.

Бунда республика бўйича тоифали (юлдузли) меҳмонхоналар мавжуд бўлмаган туман (шахар)ларда янгидан қуриладиган меҳмонхоналарга мазкур харажатлар қуйидагича 50 фоизга оширилган миқдорда белгиланади:
- дастлабки 2 та 4 ёки 5 юлдузли тоифага эга меҳмонхоналарга;
- дастлабки 3 та 3 юлдузли тоифага эга меҳмонхоналарга.

Ташкилотларни франчайзинг асосида қисман молиялаштириш тартиби.
Ташкилотлар дунёнинг таниқли ва нуфузли меҳмонхона брендларидан фойдаланиш бўйича франчайзинг тўғрисидаги шартнома кучга кирган вақтдан бошлаб, уч йил мобайнида ҳар йили бир марта Давлат бюджети маблағлари ҳисобидан молиялаштирилади. Бунда франчайзинг тўғрисидаги шартномалар 2019-йил 5-январдан сўнг кучга кирган бўлиши лозим.

Ташкилотларни молиялаштириш қуйидаги ҳажмда амалга оширилади:
- 3 юлдузли тоифага эга меҳмонхона учун — меҳмонхонанинг ҳар бир хонаси учун йиллик 200 АҚШ доллари эквивалентида;
- 4 юлдузли тоифага эга меҳмонхона учун — меҳмонхонанинг ҳар бир хонаси учун йиллик 400 АҚШ доллари эквивалентида;
- 5 юлдузли тоифага эга меҳмонхона учун — меҳмонхонанинг ҳар бир хонаси учун йиллик 600 АҚШ доллари эквивалентида.