1. Лойиҳалаш ташкилоти лойиҳалаш ишларини амалга оширганидан сўнг ЯИДХПда сўровномани тўлдиради ва ўзининг ЭРИ билан тасдиқлайди, иссиқлик таъминоти лойиҳаси бинолар, иншоотлар ва бошқа объектлар қурилишининг лойиҳа-смета ҳужжатларини кўриб чиқиш ва келишиш жараёни билан бир вақтда келишиладиган ҳолатлар бундан мустасно.

2. Лойиҳалаш ташкилоти сўровномага иссиқлик таъминоти лойиҳаси электрон шаклда илова қилади.

3. Иссиқлик таъминоти корхонаси ушбу сўровнома асосида, шу жумладан Вазирлар Маҳкамасининг 2018 йил 18 майдаги 370-сон қарори билан тасдиқланган Лойиҳа-смета ҳужжатларини келишиш ҳамда бир вақтда объектнинг зилзилага бардошлилиги ва ёнғин хавфсизлиги бўйича лойиҳавий ечимларини экспертизадан ўтказиш бўйича давлат хизматлари кўрсатишнинг маъмурий регламентининг 2-иловасига мувофиқ шаклдаги сўровнома тушганидан сўнг уч иш куни мобайнида иссиқлик таъминоти лойиҳасини келишади ёки келишишни рад этади.

4. Иссиқлик таъминоти лойиҳасини келишиш уни иссиқлик таъминоти корхонасининг ЭРИ билан тасдиқлаш орқали амалга оширилади ва келишилган иссиқлик таъминоти лойиҳасини ЯИДХП орқали лойиҳалаш ташкилотига юборади.