Хизмат тавсифи

Лойиҳа-смета ҳужжатларини келишмасдан лойиҳа-смета ҳужжатларини экспертизадан ўтказиш ва қурилиш-монтаж ишларини амалга оширишга рухсатнома бериш тақиқланади.

Мазкур хизмат қуйидагиларга нисбатан қўлланмайди:

• бинолар, иншоотлар ва бошқа объектларни реконструкция қилиш ва капитал таъмирлаш;
• қурилиш ҳажми 300 куб метрдан ортиқ бўлмаган, ишлаётган муҳандислик тармоқларини ўзгартиришни талаб этмайдиган, алоҳида ҳолда қурилаётган объектларда;
• I мураккаблик тоифасидаги объектларни қуриш;
• якка тартибда уй-жойлар қуриш.

Хизмат нархи ва тўлаш тартиби

Давлат хизмати кўрсатилгани учун:
- Давлат хизматлари маркази орқали ариза юборилса энг кам ойлик иш ҳақининг 30 фоизи миқдорида йиғим ундирилади;
- ЯИДХП орқали мурожаат этилганда йиғим суммасининг 90 фоизи ундирилади.

Хизмат регламенти

Ўзбекистон Республикаси Вазирлар Маҳкамасининг 2018 йил 18 майдаги 370-сон «Архитектура ва қурилиш соҳасида давлат хизматлари кўрсатишнинг айрим маъмурий регламентларини тасдиқлаш тўғрисида» қарори

Ташкилот

Қорақалпоғистон Республикаси Қурилиш вазирлиги, вилоятлар ва Тошкент шаҳар қурилиш бош бошқармалари