1. Талабгор ЯИДХПда рўйхатдан ўтган ҳолда, аризани тўлдиради ва йиғимни тўлайди

2. Сув таъминоти корхонаси 5 иш кун мобайнида талабгор билан келишилган вақтда, унинг иштирокида тегишли далолатнома тузган ҳолда ҳисобга олиш ускунасини ечиб олиши керак

3. «Ўзстандарт» агентлиги 3 иш кун мобайнида ҳисобга олиш ускунасини сув таъминоти корхонасидан қабул қилиб, қиёслашдан ўтказади

4. Сув таъминоти корхонаси 2 иш кун мобайнида сертификат ёки хабарнома келиб тушганидан сўнг ҳисобга олиш ускунасини метрология хизматидан олиб кетиши керак

5. Сув таъминоти корхонаси 3 иш кун мобайнида талабгор билан келишилган вақтда сўровномада кўрсатилган манзилга бориб, ҳисобга олиш ускунасини ўрнатиб бериш ва уч нусхада тегишли далолатнома тузган ҳолда тамғалаши, далолатноманинг бир нусхасини талабгорда қолдириши керак

«Ижтимоий ҳимоя ягона реестри» ахборот тизимида рўйхатга олинган шахсларга, шунингдек, I ва II гуруҳ ногиронлиги бўлган шахсларга давлат хизматлари марказлари ва (ёки) Ягона интерактив давлат хизматлари портали (кейинги ўринларда — ЯИДХП) орқали давлат хизматларини кўрсатишда қонунчилик ҳужжатларида белгиланган давлат божлари, йиғимлар ва бошқа ҳар қандай тўловлар бўйича 50 фоиз миқдорида чегирма қўлланилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно);