Иссиқ сув ҳисоблагичини қиёслашдан ўтказиш (ечиш ва улаш билан бирга)

1. Талабгор ЯИДХПда рўйхатдан ўтган ҳолда, аризани тўлдиради ҳамда давлат хизматини кўрсатиш учун йиғим тўлайди.

2. Иссиқлик таъминоти корхонаси 5 иш кун мобайнида талабгор билан келишилган вақтда, унинг иштирокида тегишли далолатнома тузган ҳолда ҳисобга олиш ускунасини ечиб олиши керак.

3. «Ўзстандарт» агентлиги 3 иш кун мобайнида ҳисобга олиш ускунасини иссиқлик таъминоти корхонасидан қабул қилиб олиши ва қиёслашдан ўтказиш керак.

4. Иссиқлик таъминоти корхонаси 2 иш кун мобайнида сертификат ёки хабарнома келиб тушганидан сўнг ҳисобга олиш ускунасини метрология хизматидан олиб кетиши керак.

5. Иссиқлик таъминоти корхонаси 3 иш кун мобайнида талабгор билан келишилган вақтда сўровномада кўрсатилган манзилга бориб, ҳисобга олиш ускунасини ўрнатиб бериш ва уч нусхада тегишли далолатнома тузган ҳолда тамғалаш, далолатноманинг бир нусхасини талабгорда қолдириши керак.