Божхона омборхонаси фаолиятига янги лицензия олиш

Юридик шахсларга кўрсатилади Яримавтоматик ЭРИ талаб қилинади

Стоимость услуги

Давлат хизмати кўрсатилгани учун базавий ҳисоблаш миқдорининг эллик фоизи миқдорида йиғим ундирилади.

Хизматни кўрсатишнинг ҳуқуқий асоси

Ўзбекистон Республикаси Вазирлар Маҳкамасининг2020 йил 9 апрелдаги “Божхона омбори, эркин омбор ва бож олинмайдиган савдо дўкони фаолиятини лицензиялаш юзасидан давлат хизматларини кўрсатишнинг маъмурий регламентларини тасдиқлаш тўғрисида” 210-сон қарори.

Хизматни кўрсатиш муддати

20 кун мобайнида

Хизматни кўрсатиш учун керак бўладиган ҳужжатлар

Лицензия даъвогари эга бўлган бўлган ва божхона омбори сифатида фойдаланиш учун мўлжалланган бинолар ва (ёки) очиқ майдончалар, уларнинг ўлчамлари, ҳажми ва (ёки) майдони, улар жойлашган жой, уларнинг жиҳозланиши, видеокузатув тизими, асбоб-ускуналар ва моддий-техника билан таъминланганлиги ҳамда мулк ҳуқуқи, ашёвий ҳуқуқлар ёки ижара асосида тегишлилиги тўғрисидаги маълумотлар; Автомобиль ва темир йўллар кўрсатилган ҳолда, божхона омбори учун мўлжалланган ҳудуд (шунингдек, ёндош) ва биноларнинг сифатли тарҳи ва чизмаси (қўриқланадиган ҳудуд, божхона назорати зонаси, аниқ ўлчамлари кўрсатилган); Ўзбекистон Республикаси Божхона кодексига мувофиқ божхона тўловлари тўланиши таъминланганлигини тасдиқловчи ҳужжат.

Получатели услуги

Юридик шахслар

Боғланиш

Ишонч тел.: +998 (78) 120-76-33

Ташкилот

Ўзбекистон Республикаси Давлат божхона қўмитасининг ҳудудий божхона бошқармалари

Бу қандай ишлайди?

1. Лицензия олиш учун Давлат хизматлари марказига ўзи келиб мурожаат қилади ёки Ягона интерактив давлат хизматлари порталида рўйхатдан ўтади. 2. Маъмурий регламент ва оммавий оферта билан танишиб чиқади. Сўровномани лицензияловчи органга юборади. 3. Лицензияловчи орган ҳужжатларни лицензиялаш талаблари ва шартларига жавоб беришини ўрганиш учун бевосита божхона омборини ташкил этиш жойига чиққан ҳолда кўриб чиқади, лицензия даъвогарининг лицензиялаш талаблари ва шартларига мослиги тўғрисида эксперт хулосасини тайёрлайди. 4. Лицензия бериш ёки лицензия беришни рад этиш тўғрисида қарор қабул қилади ва лицензия даъвогарига: - лицензия бериш тўғрисида қарор қабул қилинганда, давлат божини амалга ошириш тўғрисида; - лицензия беришни рад этиш тўғрисида қарор қабул қилинганда, рад этишнинг сабаблари ва лицензия даъвогари кўрсатилган сабабларни бартараф қилиб, ҳужжатларни кўриб чиқиш учун такроран тақдим этиши мумкин бўлган муддат кўрсатилган хабарномани юборади. 5. Давлат божи тўланмаган ҳамда оммавий оферта шартномаси акцептланмаган тақдирда, лицензияловчи орган лицензияни бекор қилиш тўғрисида қарор қабул қилади. 6. Ижобий қарор мавжудлиги ва лицензия бериш учун давлат божи тўланиб, оммавий оферта шартномаси акцептлангандан сўнг QR-код билан ҳимояланган лицензияни электрон рақамли имзо билан тасдиқлаб расмийлаштиради ва лицензияни лицензия даъвогарига юборилади.

Умумий статистика

Янгилари 3
Жараёнда 8
Тугалланганлар 31
Рад этилганлар 48
Тўлов жараёнида 7
Барча 97