1. Аризачи ЯИДХПда рўйхатдан ўтади, сўровномани тўлдиради ва қуйидаги ҳужжатларни электрон тарзда илова қилади (pdf форматда): имтиҳон топшириш харажати тўланганини тасдиқловчи тўлов квитанцияси, махсус сертификат.
2. Мурожаат қилиш жараёнида ариза берувчи компенсацияни олиш учун ўзига қулай ҳудуддаги Халқ банки филиалини танлайди.
3. Ёшлар ишлари агентлиги ариза берувчининг мурожаати ЯИДХП орқали келиб тушган пайтдан бошлаб 15 календарь кун давомида махсус сертификатни верификациядан ўтказади. Махсус сертификатнинг ҳақиқийлиги верификация орқали аниқлаш имкони бўлмаса, махсус сертификатнинг хақиқийлигини тасдиқлашни сўраб ваколатли хорижий ташкилотга сўров юборади.
4. Махсус сертификатнинг ҳақиқийлиги тасдиқланганда 15 кун мобайнида махсус сертификат эгаси бўлган ариза берувчиларнинг реестри шакллантирилади, реестрга мувофиқ компенсация маблағларини Ўзбекистон Республикаси акциядорлик тижорат Халқ банкининг ҳисоб варақига молиялаштирилади ва хизмат натижаси бўйича ариза берувчига СМС хабар юборади.
5. Хизмат натижаси бўйича ариза берувчига СМС юборилгандан сўнг Халқ банки филиали ариза берувчининг компенсация пулини олишга бўлган ҳуқуқини тасдиқлаган ҳолда белгиланган компенсация тўловини амалга оширади.