Arxitektura-shaharsozlik hujjatlarini ishlab chiqish faoliyatini amalga oshirish huquqiga litsenziya olish

Barcha turdagi arxitektura-shaharsozlik hujjatlarini yaratish faoliyati ob’ektlarni qurish uchun muhandislik-texnik izlanishlarni, dastlabki va yakuniy texnik-iqtisodiy hisob-kitoblarni hamda texnik-iqtisodiy asoslashlarni yaratishni, bino va inshootlarni loyihalashni, qurilishning loyiha-smeta hujjatlarini yaratishni, xo‘jalik, sanoat va boshqa maqsadlardagi binolar va inshootlarni hamda ularning komplekslarini, muhandislik va transport infratuzilmasi binolari va inshootlarini kengaytirish, rekonstruksiya qilish, texnik jihatdan qayta jihozlash va mukammal ta’mirlash, shuningdek ularning mustahkamligi, barqarorligi va ishonchliligi yo‘qolgan taqdirda odamlar xavfsizligiga xavf yoki katta moddiy yo‘qotishlar vujudga keladigan uning muhim funksiyalarini bajarish elementlarini o‘z ichiga oladi.

a) Yangi litsenziya olish uchun:
1) Yig‘im - arizani ko‘rib chiqish uchun yeng kam oylik ish haqining 1 barobari miqdorida.
2) Davlat boji - Tanlangan faoliyat turlarining soniga qarab.

b) Litsenziyani qayta rasmiylashtirish va litsenziya dublikatini olish uchun:
1) Yig‘im - arizani ko‘rib chiqish uchun yeng kam oylik ish haqining 0.5 barobari miqdorida.

To‘lov ketma-ketligi:
1) Yig‘imni to‘lash- Ariza berilayotgan payt, yoki ariza bergungacha.
2) Davlat bojini to‘lash- Ma’sul davlat tashkiloti tomonidan litsenziya berish to‘g‘risidagi qaror qabul qilingandan so‘ng va litsenziya berilishidan oldin.

a) Yangi litsenziya olish uchun:
1) Yangi arizani ko‘rib chiqish uchun- 15 kun; 
2) Arizani qayta ko‘rib chiqish uchun - 5 kun.

b) Litsenziyani qayta rasmiylashtirish:
Ilgari berilgan litsenziyani qayta rasmiylashtirish to'g'risidagi arizani ko‘rib chiqish uchun - 5 kun.

Xizmat iste’molchilari: yuridik shaxslar.

Tashkilot: Litsenziya berish, litsenziyaning amal qilishini to‘xtatib turish yoki tugatish, shuningdek uni bekor qilish va qayta rasmiylashtirish to‘g‘risidagi qarorlar O‘zbekiston Respublikasi Davlat arxitektura va qurilish qo‘mitasi tomonidan qabul qilinadi.

O‘zbekiston Respublikasi Qurilish va uy-joy kommunal xo‘jaligi vazirligi.