Xizmatni ko`rsatish uchun kerak bo`ladigan hujjatlar

Ota-onalar (yoki ularning o'rnini bosuvchi shaxslar) maktabgacha tarbiya muassasasiga yo'llanmani olish uchun qabul komissiyasiga quyidagi hujjatlarni taqdim etadilar:

a) maktabgacha tarbiya muassasasiga qabul qilish uchun yo'llanmani taqdim etish to'g'risida ariza;

b) bolaning tug'ilganlik to'g'risidagi guvohnomasi nusxasi;

c) bolaning otasi yoki onasining pasporti nusxasi;

d) fuqarolarni o'z-o'zini boshqarish mahalliy organlari tomonidan oila rostdan ham ushbu manzilda yashashi to'g'risida ma'lumotnoma;

e) ota-onalar (yoki ularning o'rnini bosuvchi shaxslar) ish joyidan ma'lumotnoma (ishsiz ota-onalar bundan mustasno).

Xizmatni ko`rsatishning huquqiy asosi

- O'zbekiston Respublikasi Vazirlar Mahkamasining "Maktabgacha ta'lim sohasidagi normativ-huquqiy hujjatlarni tasdiqlash to'g'risida" 2007-yil 25-oktyabrdagi 225-sonli qarori;

- O'zbekiston Respublikasi xalq ta'limi vazirining "Davlat maktabgacha ta'lim muassasalariga bolalarni qabul qilish bo'yicha qabul komissiyasining faoliyat ko'rsatish tartibi to'g'risidagi nizomini tasdiqlash haqida" 2007-yil 28-noyabrdagi 297-sonli buyrug‘i. (O‘zbekiston Respublikasi Adliya vazirligi tomonidan 2007-yil 26-dekabrda 1753-son bilan davlat ro‘yxatidan o‘tkazilgan);

- O'zbekiston Respublikasi xalq ta'limi vazirining "Davlat maktabgacha ta'lim muassasalariga bolalarni qabul qilish bo'yicha qabul komissiyasining faoliyat ko'rsatish tartibi to'g'risidagi nizomga o'zgartirishlar kiritish haqida" 2014-yil 25-avgustdagi 253-sonli buyrug'i. (O‘zbekiston Respublikasi Adliya vazirligi tomonidan 2014-yil 2-sentyabrda ro‘yxatdan o‘tkazilgan, ro‘yxat raqami 1753-1).

Xizmat narxi va to`lash tartibi

Bepul.

Xizmatni ko`rsatish muddati

Yo’llanma olish uchun taqdim etilgan ariza va hujjatlar qabul komissiyasi tomonidan 10 kun muddat ichida ko’rib chiqiladi va qabul qilingan qaror haqida 3 kun muddat ichida arizachiga xabar beriladi.

Natijani olish usullari

Shaxsan (Yo'llanma olish vaqtida barcha hujjatlarning asl nusxasi taqdim etilishi lozim).

Xizmat natijasi

Maktabgacha tarbiya muassasasiga yo'llanma (agar bo'sh joy bo'lsa).

Rad etish sabablari

1) Bo'sh joylarning mavjud emasligi

2) Taqdim etilgan hujjatlarning yetarli emasligi yoki ularda xatoning mavjudligi

3) Noto'g'ri to'ldirilgan yoki to'liq to'ldirilmagan ariza shakli

Shikoyat arizasi berish tartibi

Arizachi arizani ko'rib chiqish bo'yicha sifatsiz ko'rsatilgan xizmat, shuningdek tashkilot mansabdor shaxsining harakati (harakatsizligi) ustidan qonunda o'rnatilgan tartibda shikoyat qilish huquqiga ega