Question 1

Haydovchilik guvohnomamni qayerda almashtirishim mumkin, yaʼni qaysi Davlat xizmatlari markaziga borsam boʻladi? Shuningdek, eski haydovchilik guvohnomasi bilan qachongacha transport vositasini boshqarishim mumkin?

Accepted Answer

Eski namunadagi haydovchilik guvohnomasini yangi namunasiga almashtirishni Toshkent shahrida Mirzo Ulug‘bek, Mirobod, Olmazor, Sergeli, Uchtepa, Shayxontohur, Yunusobod, Chilonzor, Yakkasaroy va Yashnobod tuman Davlat xizmatlari markazi, Andijon viloyatida Andijon tumani, Buxoro viloyatida Buxoro shahar, Qorako‘l tumani, Farg‘ona viloyatida Farg‘ona shahar, Marg‘ilon shahar, Qo‘qon shahar, Jizzax viloyatida Jizzax shahar, Navoiy viloyatida Navoiy shahar, Namangan viloyatida Namangan shahar, Samarqand viloyatida Samarqand shahar, Surxondaryo viloyatida Termiz shahar, Xorazm viloyatida Xiva shahar, Qashqadaryo viloyatida Qarshi shahar va Shahrisabz tumani Davlat xizmatlari markazida amalga oshiriladi.

Eski haydovchilik guvohnomasi, taloni va shaxsini tasdiqlovchi hujjat – pasport talab etiladi.

Guvohnomalarni majburiy almashtirish muddati:

-2010 yilgacha bo‘lgan davrda berilganlari – 2023 yil 31 martgacha;

-2010 – 2012 yillarda berilganlari – 2023 yil 30 iyungacha;

-2013 – 2015 yillarda berilganlari – 2023 yil 30 sentyabrgacha;

-2015 yildan keyin berilganlari – 2023 yil 31 dekabrgacha.

Yuqoridagi muddatlargacha almashtirilmagan guvohnomalar haqiqiy emas deb hisoblanadi.

Question 2

Qanday hollarda milliy haydovchilik guvohnomasini rasmiylashtirish rad qilinadi?

Accepted Answer

Quyidagi hollarda milliy haydovchilik guvohnomasini rasmiylashtirish rad qilinadi:

ariza beruvchi tomonidan so‘rovnomada ko‘rsatilgan ma’lumotlar noto‘g‘ri ekanligi aniqlanganda;

ariza beruvchining milliy haydovchilik guvohnomasini olish bo‘yicha amaliy hamda nazariy imtihonni muvaffaqiyatli topshirganlik fakti tasdiqlanmaganda;

ariza beruvchi tomonidan tegishli yig‘im to‘lanmaganda.

Asos: O‘zbekiston Respublikasi Vazirlar Mahkamasining 12.04.2023 yildagi 152-son qarori.

Question 3

Ariza beruvchi haydovchilik guvohnomasini olish uchun amaliy imtihonni qancha muddatda topshirishi lozim?

Accepted Answer

Ariza beruvchi nazariy imtihonni topshirganidan so‘ng ikki oy muddat ichida amaliy imtihonni topshirishi lozim. Bunda, imtihonlarni qabul qilish tizimi avtomatik tarzda amaliy imtihonni takroran topshirish vaqtini yetti kalendar kundan keyingi kunlarga belgilaydi. Agar ariza beruvchi ikki oy muddatda amaliy imtihonni topshira olmasa, imtihonlarni qabul qilish tizimi avtomatik tarzda uni yana nazariy imtihon topshirishga qaytaradi.

Asos: O‘zbekiston Respublikasi Vazirlar Mahkamasining 12.04.2023 yildagi 152-son qarori.

Question 4

Pochta xizmati xodimi tayyor bo‘lgan milliy haydovchilik guvohnomasini so‘rovnomada ko‘rsatilgan manzilga qancha muddatda yetkazib beradi?

Accepted Answer

Pochta xizmati xodimi tayyor bo‘lgan milliy haydovchilik guvohnomasini olgandan so‘ng, ariza beruvchi bilan telefon orqali bog‘lanib, so‘rovnomada ko‘rsatilgan manzilga (Toshkent shahri va viloyatlar markazida bir ish kuni, qolgan hududlarda ikki ish kuni ichida) milliy haydovchilik guvohnomasini yetkazib beradi.

Ariza beruvchi bilan telefon orqali kelishilgan vaqtda ariza beruvchi ushbu manzilda bo‘lmasa, ariza beruvchi milliy haydovchilik guvohnomasini ushbu hududdagi pochta aloqasi bo‘limidan o‘n ish kuni davomida olishi mumkin.

Asos: O‘zbekiston Respublikasi Vazirlar Mahkamasining 12.04.2023 yildagi 152-son qarori.

Question 5

Avtomototransportni ro‘yxatga olish.

Accepted Answer

Vazirlar Mahkamasining 2023-yil 31-iyuldagi 321-son qaroriga muvofiq, 2023-yilning 1-dekabridan Yagona interaktiv davlat xizmatlari portali orqali avtomototransport vositalarini onlayn ro‘yxatdan o‘tkazish xizmati joriy etiladi.

Mazkur xizmatdan Yagona interaktiv davlat xizmatlari portali, Ichki ishlar vazirligining “Call-markazi”, rasmiy veb-sayt hamda mobil ilovadan foydalangan holda murojaat etishligi mumkin.

Avtotransport vositasini ro‘yxatdan o‘tkazish uchun:

- guvohnoma uchun BHMning 70%;

- Ro‘yxatdan va qayta ro‘yxatdan o‘tkazish uchun BHMning 20% to‘lov undiriladi.

Onlayn transport vositasini ro‘yxatdan o‘tkazish xizmati bir kunda ko‘rsatilganda — qo‘shimcha to‘lov bazaviy hisoblash miqdorining 4 baravari, uch kunda ko‘rsatilganda — 3 baravari, besh kunda ko‘rsatilganda — 2 baravari miqdorida to‘lovni amalga oshiradi.

Shuningdek, Davlat raqam belgisi hamda ro‘yxatdan o‘tgan guvohnomani yetkazib berish xizmati uchun alohida to‘lov undiriladi (birinchi 10 km bepul, keyingi har bir km uchun BHMning 5% miqdorida to‘lov undiriladi).

Transport

Bojxona

Bojxona to‘lovlari, bojxona yig‘imlari, ombor, mahsulotlar, litsenziya, imtiyozlar

Litsenziyalash

Litsenziya, ruxsatnoma, faoliyat, ro‘yxatdan o‘tish, zarur hujjatlar

Sug‘urta

Sug‘urta qoplamasi, sug‘urta hodisasi, sug‘urta summasi, sug‘urta mukofoti, yo‘l-transport hodisasi