Question 1

Migrantlarning pensiyasi qanday rasmiylashtiriladi?

Accepted Answer

Chet elda ishlangan davrlar quyidagi shartlarga koʻra mehnat stajiga qoʻshiladi:

2019-yil 1-yanvarga qadar boʻlgan davr uchun - Oʻzbekiston Respublikasi Moliya vazirligi huzuridagi byudjetdan tashqari Pensiya jamgʻarmasiga sugʻurta badallari toʻlangan taqdirda;

2019-yil 1-yanvardan keyingi davr uchun - yagona ijtimoiy toʻlov toʻlangan taqdirda.

Oʻzbekiston Respublikasi fuqarolarining yollanma (bitim) asosda chet elda ishlaganligi Oʻzbekiston Respublikasi Vazirlar Mahkamasi vakolat bergan organlar mehnat daftarchasiga kiritgan qaydnomalarga qarab aniqlanadi.

Chet el fuqarolariga va fuqaroligi boʻlmagan shaxslarga chet eldagi ishi Oʻzbekiston Respublikasida ishlanganiga toʻgʻri keladigan stajning 1/3 hissasidan oshmagan miqdorda stajga qoʻshiladi.

Question 2

Ijaraga olingan yerni boshqa shaxsga ijaraga berish mumkinmi?

Accepted Answer

Ijara to‘g‘risidagi Qonunning 8-moddasiga ko‘ra, O‘zbekiston Respublikasi qonunlarida va ijara shartnomasida o‘zga shartlar ko‘zda tutilmagan bo‘lsa, ijarachi ijaraga olingan mol-mulkni, yer va boshqa tabiiy resurslardan tashqari, ijaraga beruvchining ruxsati bilan ikkilamchi ijaraga topshirishga haqlidir.

Bunda ijaraga oluvchi shartnomaga muvofiq ijaraga beruvchi oldida javobgar bo‘lib qolaveradi.

Question 3

Turistik faoliyatni amalga oshirish uchun litsenziya qanday tartibda olinadi?

Accepted Answer

«Litsenziya» axborot tizimi va DXMlar orqali turistik faoliyatni amalga oshirish uchun litsenziya olish mumkin.

Ariza beruvchilar: Jismoniy va yuridik shaxslar.

Mazkur litsenziyani olish uchun quyidagi to‘lovlar undiriladi:

Arizani ko‘rib chiqish uchun to‘lanadigan yig‘im miqdori: bazaviy hisoblash miqdorining 2,5 baravari miqdorida.

Litsenziya berilganligi uchun davlat boji miqdori:

«Ichki turizm»yo‘nalishi bo‘yicha turizm faoliyati uchun bazaviy hisoblash miqdorining 2 baravari;

«chiqish turizmi» yoki «kirish turizmi» yo‘nalishi bo‘yicha turizm faoliyati yoxud bittadan ortiq yo‘nalish turi bo‘yicha turizm faoliyatini amalga oshirish uchun bazaviy hisoblash miqdorining 5 baravari.

Arizani ko‘rib chiqish muddati: 5 kun.

Litsenziyaning amal qilish muddati: Cheklanmagan.

Asos: Vazirlar Mahkamasining 2022-yildagi 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizom. (5-ilova).

Question 4

“Litsenziya” axborot tizimining mobil ilovasi haqida bilasizmi?

Accepted Answer

Litsenziyalash va ruxsat berish tartib-taomillarini tubdan takomillashtirish hamda byurokratik to‘siqlarni bartaraf etish orqali tadbirkorlik subʼektlari faoliyati uchun yanada keng shart-sharoitlarni yaratish maqsadida O‘zbekiston Respublikasi Prezidentining PF-6044-sonli Farmoniga asosan “Litsenziya” axborot tizimi ishga tushirilgan.

Tizim foydalanuvchilariga yanada qulaylik yaratish maqsadida IOS va Android mobil ilovalari orqali xizmatlardan foydalanish imkoniyati yaratilgan.

Ushbu mobil ilova orqali litsenziyalash va ruxsat berish hujjatlarini olish uchun ariza berish, kabinet orqali tashkilotga tegishli bo‘lgan litsenziya va ruxsat berish hujjatlari bo‘yicha maʼlumotlarni olish, litsenziyalar reyestridan maʼlumotlar izlash va yana boshqa imkoniyatlardan foydalanish mumkin.

Question 5

Dori vositalarini litsenziyalash tartibi haqida maʼlumot bering

Accepted Answer

Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizomning 29-ilovasi bilan Dori vositalari va tibbiy buyumlarni chakana realizatsiya qilish faoliyatini litsenziyalash pasporti tasdiqlangan. Ushbu xizmatning pasporti bilan tanishish uchun havoladan (https://lex.uz/ru/docs/5870213) foydalanishingiz mumkin.

Litsenziyalash

Bojxona

Bojxona to‘lovlari, bojxona yig‘imlari, ombor, mahsulotlar, litsenziya, imtiyozlar

Tadbirkorlik

MCHJ, AJ, xususiy agentlik, korxona, davlat boji, subyekt faoliyati, litsenziya

license.gov.uz

Elektron litsenziyalash tizimini qo‘llab-quvvatlash, litsenziya, meʼyoriy talablar