Question 1

Yakka tartibdagi tadbirkorlarni qanday davlat roʻyxatidan oʻtkazish mumkin?

Accepted Answer

Yakka tartibdagi tadbirkorlarni ro‘yxatdan o‘tkazish usullari:

- Onlayn tartibda fo.birdarcha.uz sayti orqali (elektron raqamli imzo olish talab etiladi)

- Istalgan davlat xizmatlari markaziga murojaat qilgan holda

Taqdim etiladigan hujjatlar:

Arizachining shaxsini tasdiqlovchi hujjat

Davlat boji bazaviy hisoblash miqdorining

1 baravari. (onlayn tartibda 90 foizi)

Yakka tartibdagi tadbirkorlar 15-30 daqiqada davlat ro‘yxatidan o‘tkaziladi.

Yakka tartibdagi tadbirkorlarga qo‘yilgan talablar:

YTTlar faqat hukumat qarori bilan tasdiqlangan faoliyat turi bilan shug‘ullanishlari mumkin.

Vazirlar Mahkamasining 2011-yil 7-yanvardagi 6-son qarori bilan tasdiqlangan Xususiy tadbirkorlar yuridik shaxs tashkil etmasdan shug‘ullanishi mumkin bo‘lgan faoliyat turlari ro‘yxati lex.uz hamda Vazirlar Mahkamasining 2017-yil 9-fevraldagi 66-sonli qarori bilan tasdiqlangan Tadbirkorlik subyektlarini davlat ro‘yxatidan o‘tkazish tartibi to‘g‘risidagi nizomi lex.uz.

Question 2

Qaror boʻyicha kam taʼminlangan oilalarga qanday imtiyoz berildi?

Accepted Answer

Kam taʼminlangan oilalarga bolalar puli va moddiy yordam berishda ularning kasanachilik yoki qishloq xoʻjaligiga mavsumiy jalb qilingan 6 oygacha boʻlgan davrda olgan daromadlari inobatga olinmaslik tartibi belgilandi.

Asos: Oʻzbekiston Respublikasi Prezidentining 23.02.2023 yildagi PQ-70-son qarori.

Question 3

Kichik tadbirkorlik subyektlariga kimlar kiradi?

Accepted Answer

Quyidagilar kichik tadbirkorlik subyektlari hisoblanadi:

Yakka tartibdagi tadbirkorlar;

Ishlab chiqarish tarmoqlaridagi xodimlarining o‘rtacha yillik soni ko‘pi bilan 20 kishi, xizmat ko‘rsatish sohasidagi va ishlab chiqarish bilan bog‘liq bo‘lmagan boshqa tarmoqlardagi xodimlarining o‘rtacha yillik soni ko‘pi bilan 10 kishi, ulgurji, chakana savdo hamda umumiy ovqatlanish tarmoqlaridagi xodimlarining o‘rtacha yillik soni ko‘pi bilan 5 kishi bo‘lgan mikrofirmalar;

Quyidagi tarmoqlardagi kichik korxonalar:

Yengil, oziq-ovqat sanoatidagi va qurilish materiallari sanoatidagi xodimlarining o‘rtacha yillik soni ko‘pi bilan 200 kishi;

Metallga ishlov berish va asbobsozlik, yog‘ochsozlik, mebel sanoatidagi, shuningdek qonun hujjatlarida nazarda tutilgan boshqa sanoat-ishlab chiqarish sohalaridagi xodimlarining o‘rtacha yillik soni ko‘pi bilan 100 kishi;

Mashinasozlik, metallurgiya, yoqilg‘i-energetika va kimyo sanoati, qishloq xo‘jaligi mahsulotlari yetishtirish va ularni qayta ishlash, qurilish hamda qonun hujjatlarida nazarda tutilgan boshqa sanoat-ishlab chiqarish sohalaridagi xodimlarining o‘rtacha yillik soni ko‘pi bilan 50 kishi;

Fan, ilmiy xizmat ko‘rsatish, transport, aloqa, xizmat ko‘rsatish sohalari (sug‘urta kompaniyalaridan tashqari), savdo va umumiy ovqatlanish hamda ishlab chiqarish bilan bog‘liq bo‘lmagan boshqa sohalardagi xodimlarining o‘rtacha yillik soni ko‘pi bilan 25 kishi.

Asos: “Tadbirkorlik faoliyati erkinligining kafolatlari to‘g‘risidagi qonun.

Question 4

Masʼuliyati cheklangan jamiyatini (MCHJ) qanday davlat roʻyxatidan oʻtkazish mumkin?

Accepted Answer

Masʼuliyati cheklangan jamiyatini roʻyxatdan oʻtkazish usullari:

-onlayn tartibda fo.birdarcha.uz sayti orqali (elektron raqamli imzo olish orqali)

-Istalgan davlat xizmatlari markazi orqali

Taqdim etiladigan hujjatlar:

arizachiningng shaxisni tasdiqlovchi hujjat

Taʼsis hujjatlar (ustav va taʼsis shartnomasi)

Davlat boji bazaviy hisoblash miqdorining

1 baravari. (onlayn tartibda 90 foizi)

Masʼuliyati cheklangan jamiyati 15-30 daqiqada davlat roʻyxatidan oʻtkaziladi.

Oʻzbekiston Respublikasi “Masʼuliyati cheklangan hamda qoʻshimcha masʼuliyatli jamiyatlar toʻgʻrisida”gi Qonunning (https://lex.uz/docs/22525), Oʻzbekiston Respublikasi Fuqarolik kodeksining 58-72-moddalar (https://lex.uz/docs/111189), Vazirlar Mahkamasining 2017-yil 9-fevraldagi 66-sonli qarori bilan tasdiqlangan Tadbirkorlik subyektlarini davlat roʻyxatidan oʻtkazish tartibi toʻgʻrisidagi nizomi (https://lex.uz/docs/3111347)

Question 5

Bankrotlik nima?

Accepted Answer

Agar Siz biznes bilan shug‘ullanganda, mavjud bo‘lgan majburiyatlaringizni bajara olmasangiz, korxonangiz bankrot deb topilishi mumkin.

Tushuncha:

Bankrotlik, boshqa so‘zlar bilan aytganda, bu iqtisodiy nochorlik.

Qarzdorning pul majburiyatlari bo‘yicha kreditorlar talablarini to‘la hajmda qondirishga va (yoki) majburiy to‘lovlar bo‘yicha o‘z majburiyatini to‘la hajmda bajarishga qodir emasligi bilan bog‘liq iqtisodiy sud tomonidan eʼtirof etiladigan holat.

Mazkur bo‘limda ifoda etilgan qoidalar davlat korxonalari va notijorat korxonalarga tatbiq etilmaydi.

Bankrotlik ishi quyidagi shaxslarning arizalariga ko‘ra qo‘zg‘atilishi mumkin:

Qarzdor;

Kreditor;

Prokuror.

Arizani iqtisodiy sudga elektron tarzda topshirish uchun havoladan o‘ting.

Bankrotlik ishini ko‘rib chiqish quyidagi bosqichlardan iborat:

Kuzatuv;

Sud sanatsiyasi;

Tashqi boshqaruv;

Tugatishga doir ish yuritish.

Tadbirkorlik

Soliq

Davlat soliq qo‘mitasi, ERI, STIR, JSHSHIR, jismoniy shaxslar, yuridik shaxslar

Bojxona

Bojxona to‘lovlari, bojxona yig‘imlari, ombor, mahsulotlar, litsenziya, imtiyozlar

Subsidiya

Ipoteka krediti, xarajatlarni qoplash, to‘lov qobiliyatini aniqlash, kompensatsiya