Кўпчилик интиқ кутган қор ҳам ёғди. Оппоқ қор ғуборларни йўқотади, турли инфектсияларни "ўлдиради” – бир тарафдан зўр.
Бироқ шошилганда қорга “кўмилган” автоулов ойналарини тозалаб, музларни эритиш учун уни узоқ “қиздириш”, йўлдаги сирпанчиқ ёки эриган қор уюмлари устида юришнинг ноқулайлиги сабаб белгиланган вақтда манзилга етиб боролмаслик, автобус кутиб қолиб оёқ музлаши ёки у ташкилотдан бунисига сарсон қилишганида “совуқ ўтиши” каби кўнгилни хира қиладиган ҳолатлар ҳам кўпаяди...
Бугун юртдошларимиз ҳужжат ишларини деб совуқда юришлари шарт эмас. Электрон давлат хизматларидан my.gov.uz орқали уйдан чиқмаган ҳолда фойдаланишлари мумкин.
Масалан, давлат ташкилотларига бормасдан “Ижтимоий ҳимоя ягона реестри” га кириш учун ариза бериш ёки ҳисобланган иш ҳақи тўғрисида маълумотнома олиш мумкин.
Пенсионерлар ва ногиронлар санаторийларда даволаниш учун йўлланма олишга онлайн ариза топшириш имкониятига эга.
Ҳайдовчилар автомобил транспортида йўловчилар ва юкларни ташишга лицензия олиш, автотранспорт бошқаруви учун электрон ишончнома бериш каби хизматлардан онлайн фойдалансалар бўлади.
Оналар масофадан туриб болани боғчага навбатга қўйиш ва навбатни текширишлари мумкин.
Турмуш қурадиган ёшлар кераксиз ҳужжатларга ортиқча вақт сарфламай, никоҳдан ўтишга онлайн ариза топшириб қўйиб, ФҲДЁга фақат тўйдан олдин борсалар ҳам бўлади.
My.gov.uz – ҳар қандай об-ҳавода қулай!
357 дан зиёд электрон давлат хизматларидан осон ва тез фойдаланинг!
