Fiskal xotirali nazorat-kassa mashinalarini davlat soliq xizmati organlaridan ro’yxatdan o’tkazish uchun elektron ariza taqdim etish
Xizmatdan foydalanish Tanlangan xizmatlarga qo`shish

Xizmat haqida


Fiskal xotirali nazorat-kassa mashinalarini davlat soliq xizmati organlaridan ro’yxatdan o’tkazish uchun elektron ariza taqdim etish va nazorat-kassa mashinasini ro’yxatdan o’tkazish kartochkasini olish.

Xizmatning sohaga tegishliligi

Litsenziyalash va ruxsat beruvchi hujjatlar

Xizmatdan foydalanuvchining toifasi


Yagona portalda o’rnatilgan tartibda ro’yxatdan o'tgan tadbirkorlik subyektlariga (yuridik va jismoniy shaxslar xizmatdan foydalanishlari mumkin

Tashkilot

O‘zbekiston Respublikasi Davlat soliq qo‘mitasi

Bog`lanish

ERI berishga mas’ul xodim: Botirov Alisher


(8-371) 244-97-54. 244-97-64. 244-98-63


Manzil: 100011. Toshkent shahri. Abdulla Qodiriy k. 13-а


Telefon: (8-371) 244-98-98


Faks: (8-371) 244-89-12


E-mail: org@soliq.uz


Ishonch telefoni: (8-371) 244-98-98

Xizmatni ko`rsatish uchun kerak bo`ladigan hujjatlar


Elektron arizani Yagona portal orqal taqdim etayotganda, ariza formasida barcha talab etilgan ma’lumotlar to’ldirilib, quyidagi hujjatlarning skannerdan o’tkazilgan nusxalari ilova etiladi:



1) xo'jalik yurituvchi subyekt davlat ro'yxatidan o'tkazilganligi to'g'risidagi guvohnoma;



2) sertifikatlash bo'yicha akkreditatsiya qilingan organlar tomonidan berilgan fiskal xotiraga ega bo'lgan nazorat-kassa mashinasining muvofiqlik sertifikati;



3) turg'un shoxobcha mavjudligini tasdiqlaydigan hujjatlar (binoning ijara shartnomasi, order (dalolatnoma va shu kabilar)



4)agar qonun hujjatlarida o'zgacha hol nazarda tutilmagan bo'lsa naqd pul tushumi xizmat ko'rsatuvchi bank bilan inkassatsiya qilinganligi to'g'risidagi shartnoma yoxud hisob-kitob raqami mavjudligi to'g'risida xizmat ko'rsatuvchi bank bilan tuzilgan shartnoma;



5) fiskal xotiraga ega bo'lgan nazorat-kassa mashinasiga texnik xizmat ko'rsatish va uni ta'mirlashga tuzilgan shartnoma;



6) fiskal xotiraga ega bo'lgan nazorat-kassa mashinasining xizmat ko'rsatish dasturlari va fiskal xotiraga ega bo'lgan nazorat-kassa mashinasining fiskal xotirasi dasturlari holati, shuningdek begona texnik o'zgarishlar yo'qligi (biror-bir tashqi o'zgarishlar yo'qligi va etalon versiyalarga muvofiqlik) yuzasidan xizmat ko'rsatuvchi tashkilotning xulosasi;



7) hisobdan chiqarish to'g'risida belgi qo'yilgan holda fiskal xotiraga ega bo'lgan nazorat-kassa mashinasining oldingi ro'yxatdan o'tkazilishini va ro'yxatdan o'tkazish kartochkasini hisobdan chiqarishda — fiskal xotiraga ega bo'lgan nazorat-kassa mashinasining fiskal xotirasi hisoblagichining ko'rsatkichlarini qayd etish dalolatnomasi (agar fiskal xotiraga ega bo'lgan nazorat-kassa mashinasi oldin ro'yxatdan o'tkazilgan va ro'yxatdan o'tkazishdan chiqarilgan bo'lsa).

Xizmatni ko`rsatishning huquqiy asosi


1.O’zbekiston Respublikasi Soliq Kodeksining 72 moddasi: “Fiskal xotirali nazorat-kassa mashinalarini qo’llash”;



2.O'zbekiston Respublikasi Prezidentining “Tadbirkorlik faoliyatini amalga oshirish va davlat xizmatlarini ko'rsatish bilan bog'liq tartibotlarni yanada takomillashtirish chora-tadbirlari to'g'risida”gi 15 aprel 2014 yildagi PQ-2164-son qarori;



3.O'zbekiston Respublikasi Vazirlar Mahkamasining “Fiskal xotiraga ega bo'lgan nazorat-kassa mashinalarining qo'llanishini yanada takomillashtirishga doir qo'shimcha chora-tadbirlar to'g'risida” gi 2011 yil 17 noyabrdagi 306-sonli qarori



4.O'zbekiston Respublikasi Vazirlar Mahkamasining “Tadbirkorlik sub'yektlarini Internyet tarmog'i orqali davlat ro'yxatidan o'tkazish mexanizmini joriy etish chora-tadbirlari to'g'risida”gi 2013 yil 25 noyabrdagi 312 -sonli qarori;

Xizmat narxi va to`lash tartibi


Yagona portal orqali ushbu xizmatga arizani taqdim etish bepul.

Xizmatni ko`rsatish muddati


Barcha talab etilga hujjatlar taqdim etilgan kundan 5 ish kuni muddatida, hududiy davlat soliq xizmati organida ro’yxatdan o’tkazish.

Natijani olish usullari


Ariza qabul qilinganligi haqida ma’lumot elektron ko’rinishda taqdim etiladi.

Xizmat natijasi


Xizmat natijasida tadbirkorlik subyektlariga fiskal xotiraga ega bo'lgan nazorat-kassa mashinalarining ro’yxatdan o’tkazish kartochkasi beriladi, yoki uni berish rad etiladi.

Rad etish sabablari


Davlat soliq xizmati organlari quyidagi hollarda:



1) xo'jalik yurituvchi subyekt tomonidan fiskal xotiraga ega bo'lgan nazorat-kassa mashinasining ro'yxatdan o'tkazish uchun zarur bo'lgan hujjatlar to'liq hajmda taqdim etilmagan;



2) xo'jalik yurituvchi subyekt ruxsat beruvchi talablar va shartlarga muvofiq bo'lmagan;



3) xo'jalik yurituvchi subyekt tomonidan taqdim etilgan hujjatlarda to'g'ri bo'lmagan yoki buzilgan ma'lumotlar mavjud bo'lgan;



4) elektron arizada noto’g’ri ma’lumotlar ko’rsatilgan bo’lsa, xo'jalik yurituvchi subyektga fiskal xotiraga ega bo'lgan nazorat-kassa mashinasining ro'yxatdan o'tkazish kartochkasini berishni rad etishi mumkin.



Fiskal xotiraga ega bo'lgan nazorat-kassa mashinasining ro'yxatdan o'tkazish kartochkasini berishni rad etish to'g'risida qaror qabul qilingan taqdirda davlat soliq xizmati organlari tegishli qaror qabul qilingan sanadan boshlab bir ish kunidan kechikmay xo'jalik yurituvchi subyektni rad etishning aniq sabablari ko'rsatilgan holda Yagona portal orqali elektron shaklda arizachini xabardor qiladi.



Fiskal xotiraga ega bo'lgan nazorat-kassa mashinasining ro'yxatdan o'tkazish kartochkasini berishni rad etish uchun asos bo'lgan sabablar ariza beruvchi tomonidan bartaraf etilgan taqdirda, hujjatlarni takroran ko'rib chiqish takroriy ariza olingan sanadan boshlab bir ish kunidan kech bo'lmagan muddatda amalga oshiriladi.



Arizani takroran ko'rib chiqishda oldin rad etish to'g'risidagi bildirishnomada ko'rsatilmagan yangi asoslar bo'yicha fiskal xotiraga ega bo'lgan nazorat-kassa mashinasining ro'yxatdan o'tkazish kartochkasini berishni rad etishga yo'l qo'yilmaydi, oldin ko'rsatilgan sabablar bartaraf etilganligini tasdiqlovchi hujjatlar bilan bog'liq rad etish sabablari keltirilishi bundan mustasno.

Shikoyat arizasi berish tartibi


Arizachilar, qonunchilikda o’rnatilgan tartibda, xizmatni belgilangan muddatlardan kechiktirish, yohud hududiy davlat soliq xizmati organining mas’ul hodimining xarakatlari ustidan shikoyat qilishlari mumkin.

Ommabop xizmatlar

Yuborilmoqda...

Qayta aloqa

* belgisi bilan ajratilgan maydonlar to`ldirilishi shart.

Tasvirdagi belgilarni kiriting*
Harflar katta yoki kichikligining ahamiyati yo`q.
Murojaat yuborish

Davlat organi rahbariyati qabuliga yozilish

Tadbirkorlik

Qayta aloqa