Question 1

Notarius tomonidan spirtli ichimlik isteʼmol qilgan fuqaroning notarial harakatni amalga oshirishini kechiktirishi yoki rad etishi mumkinmi?

Accepted Answer

O‘zbekiston Respublikasi Adliya vazirining 2019-yil 4-yanvardagi 2-mh-son buyrug‘i bilan tasdiqlangan “Notariuslar tomonidan notarial harakatlarni amalga oshirish tartibi to‘g‘risidagi" yo‘riqnomaning (04.01.2019-yil, ro‘yxat raqami 3113) 4-bandida notarius notarial harakat amalga oshirishni so‘rab murojaat etgan jismoniy shaxsning muomala layoqatini u bilan shaxsiy muloqot davomida aniqlaydi.

Shuningdek, notariusga murojaat etgan shaxsning ruhiy holati buzilganligi yoki aqli zaifligi oqibatida o‘z xatti-harakatlarining ahamiyatini tushuna olmaydi yoki shu harakatlarni boshqara olmaydi deb yoxud spirtli ichimliklarni yoki giyohvandlik va psixotrop moddalarni isteʼmol qilishi oqibatida o‘z oilasini og‘ir moddiy ahvolga solib qo‘yadi deb hisoblash uchun asosi bo‘lsa-da (shubha tug‘dirsa-da), ammo shu fuqaroning muomalaga layoqatsiz yoki muomala layoqati cheklanganligi to‘g‘risida maʼlumotlar bo‘lmasa, u notarial harakatni amalga oshirishni kechiktiradi va sudning shu shaxsni muomalaga layoqatsiz yoki muomala layoqati cheklangan deb topganligi to‘g‘risidagi qarori mavjud yoki mavjud emasligini tizim orqali tekshiradi.

Question 2

Doimiy yashash joyi bo‘yicha ro‘yxatga qo‘yish uchun er-xotin nikohdan keyin bir yil davomida birgalikda yashash shartmi?

Accepted Answer

O‘zbekiston Respublikasining 2011-yil 14-sentyabrdagi Toshkent shahri va Toshkent viloyatida doimiy yashash joyi bo‘yicha ro‘yxatga olinishi lozim bo‘lgan shaxslar-O‘zbekiston Respublikasi fuqarolari toifalarining ro‘yxati to‘g‘risidagi O‘RQ-296-son Qonuni bilan tasdiqlangan Ro‘yxatning 5-bandiga asosan shart emas.

Question 3

Ko‘chmas mulk tarixi haqida maʼlumot olish xizmatidan foydalanganlik uchun to‘lov miqdori qancha?

Accepted Answer

Davlat xizmatini ko‘rsatish uchun bazaviy hisoblash miqdorining 50 foizi miqdorida yig‘im undiriladi.

Question 4

O‘z uyimda qo‘shimcha qurilish boshladim. Tanishlarim ruxsatnomasiz qurilish ishlarini boshlash mumkin emasligini aytishmoqda

Accepted Answer

O‘zbekiston Respublikasi Vazirlar Mahkamasining 2022-yil 20-apreldagi “Qurilish sohasiga oid yagona maʼmuriy qurilish reglamentlarini tasdiqlash to‘g‘risidagi" 200-sonli qaror bilan tasdiqlangan “Bino va inshootlarning ixtisoslashishini o‘zgartirish, qayta qurish, rekonstruksiya qilish hamda o‘z hududida qo‘shimcha bino va inshootlarni qurishni loyihalashtirishga ruxsatnoma berish bo‘yicha davlat xizmatlari ko‘rsatishning” maʼmuriy reglamentiga muvofiq bino va inshootlarning ixtisoslashishini o‘zgartirish, qayta qurish, rekonstruksiya qilish hamda o‘z hududida qo‘shimcha bino va inshootlarni qurishni tegishli ruxsatnomasiz amalga oshirish taqiqlanadi.

Question 5

Ipoteka kreditiga subsidiya olishga ariza rasmiylashtirish uchun qanday hujjatlar talab etiladi?

Accepted Answer

Vazirlar Mahkamasining 2020-yil 25-martdagi 182-son qaroriga binoan, quyidagi hujjatlarni elektron tarzda ilova qiladi yoki ma’lumotlarni taqdim etadi:

a) jismoniy shaxsning shaxsiy identifikatsiya raqami ma’lumotlari;

b) oila a’zolarining (jismoniy shaxsning) shaxsiy identifikatsiya raqami ma’lumotlari va nikoh qayd etilganligi guvohnomasi (to‘liq oila va nikoh hamda voyaga yetgan farzandlar mavjud bo‘lgan taqdirda) va (yoki) farzandlar tug‘ilganligi haqidagi guvohnomalar (voyaga yetmagan farzandlar bor bo‘lgan taqdirda) nusxalari;

d) belgilangan tartibda nikoh bekor qilinganligi haqidagi guvohnoma yoki nikoh haqiqiy emas deb tan olinganligi to‘g‘risida sud qarori (nikoh qayd etilgan holatda) yoki oilaviy holati to‘g‘risida fuqarolik holati dalolatnomalarini yozish organlari arxividan ma’lumotnoma nusxasi (nikoh qayd etilmagan holatda);

e) doimiy yashash joyi bo‘yicha ro‘yxatga olingan joyidan kadastr raqami va turiga tegishli ma’lumotlar (agar turar joyi doimiy yashash joyi bo‘yicha ro‘yxatga olingan joyi bilan to‘g‘ri kelsa);

f) doimiy yashash joyi bo‘yicha ro‘yxatga olingan joyidan uy daftarining yoki kvartiralar bo‘yicha kartochkaning (17-shakl) nusxasi (agar turar joyi doimiy yashash joyi bo‘yicha ro‘yxatga olingan joyi bilan to‘g‘ri kelsa);

g) ariza beruvchi va birgalikda qarz oluvchilarning daromadi va ushlab qolingan daromad soliqlari to‘g‘risidagi ma’lumotnoma (qo‘shimcha daromadlar bo‘lsa soliq deklaratsiyasi).

Ariza beruvchidan ushbu bandda ko‘rsatilmagan ma’lumot va hujjatlarni talab qilish qat’iyan taqiqlanadi.

Bunda subsidiya olish uchun murojaat qilgan ariza beruvchidan “Ijtimoiy himoya yagona reyestri” axborot tizimi orqali olish mumkin bo‘lgan hujjatlarni (ma’lumotlarni) talab qilish man etiladi.

Question 6

Davlat subsidiyasi asosida Ipoteka kreditiga olish uchun oylik daromadim qancha miqdorda bo‘lishi kerak?

Accepted Answer

Vazirlar Mahkamasining 2021-yil 23-avgustdagi 537-son qarori bilan tasdiqlangan Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya to‘lash tartibi to‘g‘risidagi nizomning 1-bobda ko‘rsatilgan oilalarning o‘rtacha oylik daromadi:

qishloq joylarda belgilangan MHTEKMning 3,0 baravaridan 6,9 baravarigacha;
Qoraqalpog‘iston Respublikasi va viloyatlar shaharlarida belgilangan MHTEKMning 3,0 baravaridan 8,0 baravarigacha;
Toshkent shahrida belgilangan MHTEKMning 3,0 baravaridan 9,2 baravarigacha bo‘lgan oilalar belgilangan.

Kadastr

Rasmiy tushuntirish

Davlat boji, kompensatsiya, imtiyozlar, qonun, majburiyatlar, huquqlar

Adliya

Adliya vazirligi, FHDY, ERI, huquqlar, normativ-huquqiy hujjatlar, majburiyatlar

UJKX

Kommunal xizmatlar, elektr energiyasi, tabiiy gaz, ichimlik va issiq suv, hisoblagich