Question 1

FHDY organlari Adliya vazirligi tizimiga kiradimi?

Accepted Answer

Oʻzbekiston Respublikasi Prezidentining 2018-yil 13-apreldagi PQ-3666-son qarori bilan tasdiqlangan Oʻzbekiston Respublikasi Adliya vazirligi toʻgʻrisidagi nizomning 8-bandiga muvofiq quyidagilar Vazirlik tizimiga kiradi:

Vazirlik markaziy apparati;

Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari, tumanlar (shaharlar) adliya boʻlimlari, yuridik xizmat koʻrsatish markazlari, davlat xizmatlari markazlari va FHDY organlari;

Huquqiy siyosat tadqiqot instituti;

X. Sulaymonova nomidagi Respublika sud ekspertiza markazi;

"Adolat milliy huquqiy axborot markazi" davlat muassasasi;

"Adliya organlari va muassasalarida axborot-kommunikatsiya texnologiyalarini rivojlantirish markazi" davlat muassasasi;

"Davlat xizmatlarini rivojlantirish markazi" davlat muassasasi;

"Intellektual mulk markazi" davlat muassasasi;

davlat notarial idoralari va arxivlari;

Yuristlar malakasini oshirish markazi;

Toshkent davlat yuridik universiteti;

yuridik texnikumlar;

Akademik litsey.

Question 2

Mobile-ID nima?

Accepted Answer

Mobile-ID tizimi foydalanuvchilarini identifikatsiyalash bo‘yicha yagona axborot tizimining tarkibiy qismi hisoblanib, shaxsni uning mobil telefon raqami orqali identifikatsiyalashni nazarda tutadi.

Question 3

Davlat xizmatlari markazlarining asosiy vazifalari nimalardan iborat?

Accepted Answer

Jismoniy va yuridik shaxslarga “yagona darcha” tamoyili boʻyicha, shu jumladan olis joylarga chiqqan holda davlat xizmatlari koʻrsatish;

davlat xizmatlari servisining yuqori sifati, tezkorligi, shaffofligi, qulayligi va foydalanish imkoniyatini taʼminlash, mazkur sohada byurokratiya, sansalorlik va boshqa maʼmuriy toʻsiqlarga yoʻl qoʻymaslik;

idoralararo hamkorlikni, eng avvalo, davlat xizmatlari koʻrsatish uchun zarur hujjat va axborotlarni tezkorlik bilan olishni taʼminlovchi elektron hamkorlikni amalga oshirish;

davlat xizmatlari koʻrsatishda jismoniy va yuridik shaxslarga malakali axborot va maslahat yordamlarini taqdim etish;

vakolatli davlat organlari va boshqa tashkilotlar tomonidan davlat xizmatlari koʻrsatishda qonun hujjatlari va maʼmuriy reglamentlar talablariga rioya etilishini taʼminlash.

Question 4

Mobile-ID tizimidan qanday maqsadlarda foydalaniladi?

Accepted Answer

Mobile-ID tizimidan quyidagi maqsadlarda foydalaniladi:

OneID tizimi orqali davlat organlari va tashkilotlarining portal va axborot tizimlariga kirishda foydalanuvchilarning shaxsini tasdiqlash (autentifikatsiya qilish);

Mobile-ID tizimidan foydalanayotgan foydalanuvchining haqiqiyligini tasdiqlash (verifikatsiya qilish);

elektron davlat xizmatlaridan foydalanish boʻyicha foydalanuvchilar tomonidan berilgan arizalarni tasdiqlash;

foydalanuvchi oʻzining shaxsiga doir maʻlumotlarni davlat organlari va tashkilotlari “Raqamli hukumat” tizimi orqali olganda bu haqida xabarnomalar qabul qilish;

foydalanuvchi oʻzining shaxsiga doir maʻlumotlarni davlat organlari va tashkilotlari, xoʻjalik birlashmalari, nodavlat tashkilotlar “Elektron hukumat” tizimi orqali olishi uchun ruxsat berish;

qonunchilikda nazarda tutilgan boshqa holatlarda.

Question 5

Qanday qilib ERI olish mumkin?

Accepted Answer

Yagona interaktiv davlat xizmatlari portali (my.gov.uz)dan Jismoniy shaxslar uchun elektron raqamli imzo olish xizmatidan foydalanishingiz mumkin.
Xizmatdan foydalanish uchun qo‘llanma

Adliya

Fuqarolik

Davlat xizmatlari, vakolatli organ, ID-karta, biometrik pasport, fuqaro, qonunlar

Litsenziyalash

Litsenziya, ruxsatnoma, faoliyat, ro‘yxatdan o‘tish, zarur hujjatlar

Ma'lumotnomalar

Vakolatli organ, maʼlumotnoma, ariza, arxiv maʼlumotlari, ko‘rib chiqish muddatlari