Question 1

Identifikatsiya ID-kartasini yo‘qotganlik va o‘z vaqtida almashtirmaganlik uchun jarima miqdori qancha?

Accepted Answer

O‘zbekiston Respublikasi fuqarosining identifikatsiyalovchi ID-kartasiz yoxud haqiqiy bo‘lmagan identifikatsiyalovchi ID-karta bilan, O‘zbekiston Respublikasi fuqarosining identifikatsiyalovchi ID-kartasini, qasddan yaroqsizlantirishi yoki uni ehtiyot qilib saqlamaganligi oqibatida yo‘qotib qo‘yishi, O‘zbekiston Respublikasi hududida doimiy yashovchi chet el fuqarosining va fuqaroligi bo‘lmagan shaxsning haqiqiy bo‘lmagan identifikatsiyalovchi ID-kartasi qasddan yaroqsizlantirishi yoki uni ehtiyot qilib saqlamaganligi oqibatida yo‘qotib qo‘yishi MJtKning 223-moddasiga asosan bazaviy hisoblash miqdorining 1/2 dan 3 baravarigacha miqdorda jarima solishga sabab bo‘ladi.

Question 2

Oʻzbekiston Respublikasining fuqaroligiga qabul qilish tartibi va qanday hujjatlar topshirilishi lozim?

Accepted Answer

So‘nggi 5 yil O‘zbekiston Respublikasi hududida doimiy yashayotgan xorijiy fuqaro yoki fuqaroligi bo‘lmagan shaxs doimiy istiqomat joyidagi ichki ishlar organlari orqali O‘zbekiston Respublikasining Prezidenti nomiga fuqarolikka qabul qilish to‘g‘risida ariza beradi.

Arizada O‘zbekiston Respublikasining Konstitutsiyasini tan olishi, uning talablarini bajarishi to‘g‘risidagi va xorijiy fuqarolikdan voz kechganligi to‘g‘risidagi majburiyat ko‘rsatiladi.

Arizaga quyidagilar ilova qilinadi:

ariza-so‘rovnoma;

xorijiy fuqarolikdan chiqqanlik to‘g‘risida guvohlik beruvchi hujjat (fuqaroligi bo‘lmagan shaxslardan tashqari);

tarjimayi hol;

kun kechirishning qonuniy manbalari mavjudligini tasdiqlovchi hujjat (ish joyidan maʼlumotnoma yoki ish haqi, pensiya, nafaqa, dividendlar va kun kechirishning boshqa manbalari ko‘rsatilgan boshqa hujjat);

fotosurat;

davlat boji to‘langanligi yoki uni to‘lashdan ozod qilinganligi haqidagi hujjat.

Question 3

Identifikatsiya ID-kartasini olish uchun qanday hujjatlar taqdim etiladi?

Accepted Answer

O‘zbekiston Respublikasi Prezidentining 22.09.2020 yildagi “O‘zbekiston Respublikasida identifikatsiya ID-kartalarni joriy etish chora-tadbirlari to‘g‘risida”gi PF–6065-son Farmoniga muvofiq identifikatsiya ID-kartalarini olish uchun quyidagi hujjatlar taqdim etiladi:

pasport;

tug‘ilganlik haqidagi guvohnoma (ID-karta birinchi marotaba rasmiylashtirilayotganda);

davlat boji to‘langanligi haqida kvitansiya (elektron to‘lov tizimlari orqali to‘langanda kvitansiya majburiy emas).

Question 4

Identifikatsiya ID-kartasini olish uchun qayerga murojaat qilish kerak?

Accepted Answer

O‘zbekiston Respublikasi Prezidentining 22.09.2020 yildagi “O‘zbekiston Respublikasida identifikatsiya ID-kartalarni joriy etish chora-tadbirlari to‘g‘risida”gi PF–6065-son Farmoniga muvofiq identifikatsiya ID-kartalarini olish va almashtirish uchun O‘zbekiston Respublikasi fuqarolari, o‘z ixtiyoriga ko‘ra xohlagan ichki ishlar organlarining migratsiya va fuqarolikni rasmiylashtirish bo‘linmalariga hamda davlat xizmatlari markazlariga murojaat qilishlari mumkin.

Question 5

ID-karta uchun qancha pul to‘lanadi?

Accepted Answer

"O‘zbekiston Respublikasida identifikatsiya ID-kartalarini rasmiylashtirish va berish tizimini joriy etish chora-tadbirlari to‘g‘risida”gi 129-sonli Vazirlar Mahkamasining Qaroriga muvofiq, 2021-yil 1-yanvardan boshlab yangi tug‘ilgan bolaga, O‘zbekiston fuqarosiga, O‘zbekiston hududida doimiy yashaydigan fuqaroligi bo‘lmagan shaxsga va xorijiy fuqaroga belgilangan namunadagi identifikatsiya ID-kartasi beriladi.

ID-karta shaxsni, fuqarolikni tasdiqlaydigan hujjat hisoblanib, O‘zbekiston hududida foydalaniladi. ID-karta 10 yil muddatga beriladi.

ID-karta rasmiylashtirilganligi va berilganligi uchun davlat boji miqdori bazaviy hisoblash miqdorining 89% tashkil etadi.

O‘zbekiston Respublikasi fuqarosining 2011 yilgi namunadagi biometrik pasporti 2030 yil 1 yanvardan boshlab haqiqiy emas deb hisoblanadi.

Fuqarolik

Adliya

Adliya vazirligi, FHDY, ERI, huquqlar, normativ-huquqiy hujjatlar, majburiyatlar

MyID

Identifikatsiya, autentifikatsiya, kirish, biometrik maʼlumotlar

Ma'lumotnomalar

Vakolatli organ, maʼlumotnoma, ariza, arxiv maʼlumotlari, ko‘rib chiqish muddatlari