Question 1

Yangi gerbli guvohnomalar berganlik uchun qancha gerb yig’imi undiriladi?

Accepted Answer

BHMning 15 foizi.

Asos: Vazirlar Mahkamasining 01.07.2012-yildagi “Gerbli guvohnomalar berganlik uchun gerb yig‘imi miqdorini tasdiqlash to‘g‘risida”gi qarori.

Question 2

Farzandim uchun tug‘ilganlik haqidagi guvohnomani qanday olishim mumkin.

Accepted Answer

Vazirlar Mahkamasining 2023-yil 20-oktabrdagi 550-son qaroriga asosan Yagona interaktiv davlat xizmatlari portalidagi 'Tug‘ilganlik haqidagi guvohnomani olish' davlat xizmatidan foydalangan holda farzandingiz uchun Tug‘ilganlik haqida guvohnomani olishingiz mumkin. Tug'ilganlik haqida guvohnoma bir ish kunida tayyorlanadi hamda pochta xodimlari tomonidan ikki ish kunida belgilangan manzilga yetkazib beriladi.

Question 3

Tugʻilganlik toʻgʻrisidagi guvohnomani yoʻqotib qoʻydim takroriy guvohnoma olishim mumkinmi?

Accepted Answer

Vazirlar Mahkamasining 2023-yil 20-oktabrdagi 550-son qaroriga asosan Yagona interaktiv davlat xizmatlari portalida "Tug‘ilganlik haqida takroriy guvohnoma olishga ariza berish" davlat xizmatidan foydalangan holda tegishli shaxsning o‘zi yoki uning ota-onasi tug‘ilganlik haqida takroriy guvohnoma olishi mumkin. Takroriy guvohnoma bir ish kunida tayyorlanadi hamda pochta xodimlari tomonidan ikki ish kunida belgilangan manzilga yetkazib beriladi.

Question 4

Qaysi holatlarda bir tarafning arizasiga asosan FHDY organlari tomonidan nikohdan ajratish ishlari koʻrilishi mumkin ?

Accepted Answer

Oila kodeksining 43-modda binoan Er-xotindan birining arizasi boʻyicha fuqarolik holati dalolatnomalarini qayd etish organlarida nikohdan ajratish

Agar er-xotindan biri:

sud tomonidan bedarak yoʻqolgan deb topilgan boʻlsa;

sud tomonidan ruhiyati buzilishi (ruhiy kasalligi yoki aqli zaifligi) sababli muomalaga layoqatsiz deb topilgan boʻlsa;

sodir qilgan jinoyati uchun uch yildan kam boʻlmagan muddatga ozodlikdan mahrum qilingan boʻlsa, oʻrtada voyaga etmagan bolalari borligidan qati nazar, er-xotindan birining arizasiga koʻra ular fuqarolik holati dalolatnomalarini qayd etish organlarida nikohdan ajratiladi.

Agar bolalar haqida, er-xotinning birgalikdagi umumiy mol-mulkini boʻlish haqida yoki yordamga muhtoj, mehnatga layoqatsiz er (xotin)ga taʼminot berish uchun mablagʻ toʻlash haqida nizo mavjud boʻlsa, ular nikohdan sud tartibida ajratiladi.

Question 5

Nikohni qayerda ro'yxatdan o'tkazish mumkin?

Accepted Answer

• Nikoh nikohga kirmoqchi bo'lganlar ariza bergan kundan boshlab bir oy o'tgach, nikohga kirayotgan shaxslardan birining yashash joyidagi FHDYO organi tomonidan qayd etiladi.
• Maxsus holatlarda, istisno tariqasida (agar ota-onalar va turmush qurayotgan yoshlar O'zbekiston Respublikasining turli mintaqalarida yoki undan tashqarida yashasa) turmush qurayotgan shaxslarning iltimosiga va ota yoki onaning yozma arizasiga ko' ra, nikoh ota-onaning yoki ulardan birining yashash joyidagi FHDYO organida ro 'yxatdan o' tkazilishi mumkin.

Question 6

Familiya, ism va ota ismini o‘zgartirish tartibi haqida tushuncha bering.

Accepted Answer

Fuqarolik kodeksi 19-modda 3-qism. Fuqaro qonunda belgilangan tartibda oʻz ismini oʻzgartirishga haqli. Fuqaroning oʻz ismini oʻzgartirishi avvalgi ismi bilan olgan huquq va burchlarini bekor qilish yoki oʻzgartirish uchun asos boʻlmaydi.

Oila kodeksi 226-modda. Familiya, ism va ota ismini oʻzgartirish haqidagi arizalar ariza beruvchi oʻn olti yoshga toʻlgandan keyin u yashab turgan joydagi fuqarolik holati dalolatnomalarini yozish organi tomonidan koʻrib chiqiladi.

Familiya, ism va ota ismini oʻzgartirish toʻgʻrisidagi xulosa ichki ishlar organlari tomonidan ushbu shaxs tegishlicha tekshiruvdan oʻtkazilgandan keyingina tuzilishi mumkin.

Fuqarolik holati dalolatnomalarini yozish organining familiya, ism va ota ismini oʻzgartirishni rad etganligi ustidan sud tartibida shikoyat qilinishi mumkin.

Oʻzbekiston Respublikasining Maʻmuriy sud ishlarini yuritish toʻgʻrisidagi kodeksi 27-moddasi birinchi qismi 4-bandi notarial harakatni amalga oshirish, fuqarolik holati dalolatnomalarini yozishni roʻyxatga olish rad etilganligi yoki notariusning yoxud fuqarolik holati dalolatnomalarini yozish organi mansabdor shaxsining harakatlari (harakatsizligi) yuzasidan nizolashish toʻgʻrisidagi;). Toʻlov miqdori BHMning 1 baravari

Oʻzbekiston Respublikasi Vazirlar Mahkamasining 2016-yil 14-noyabrdagi 387-sonli qarori bilan tasdiqlangan “Fuqarolik holati dalolatnomalarini qayd etish qoidalari”ning 160-bandi: Familiya, ism va ota ismini oʻzgartirish haqidagi ariza ariza beruvchi 16 yoshga toʻlgach turar joydagi FHDY organi tomonidan koʻrib chiqiladi.

Agar 16 yoshga toʻlgan shaxs pasport yoki pasport oʻrnini bosuvchi shaxsni tasdiqlovchi boshqa hujjat olgunga qadar familiyasi, ismi, ota ismini oʻzgartirish haqida ariza bersa, u holda arizaga tugʻilganlik haqida guvohnoma ilova qilinadi.

Quyidagi holatlarda Familiya, ism, ota ismini oʻzgartirish mumkin:

“Davlat tili haqida”gi Oʻzbekiston Respublikasi Qonunining 15-moddasiga binoan;

sudning hal qiluv qarori asosida;

agar familiya va ism eshitilishda yoqimsiz boʻlsa;

agar familiya va ism millatiga toʻgʻri kelmasa;

xohishga qarab nikohgacha boʻlgan familiyaga (nikohda turgan davrida ham, nikohdan ajratilgandan keyin ham) qaytishda;

oila uchun umumiy familiyada boʻlish istagi paydo boʻlganda (agar nikoh tuzish paytida er-xotin umumiy familiya qabul qilishmagan boʻlsa);

16 yoshga toʻlgan shaxsga otalikni belgilashda koʻrib chiqiladi.

Familiya, ism, ota ismini oʻzgartirish toʻgʻrisidagi arizaga quyidagilar ilova qilinadi:

1. ariza beruvchining tugʻilganlik haqidagi guvohnomasi;

2. agar ariza beruvchi nikohda turgan boʻlsa, u holda nikoh tuzilganligi haqidagi guvohnomasi, agar nikohdan ajratilgan boʻlsa — nikohdan ajralganlik haqidagi guvohnomasi;

3. agar ariza beruvchining voyaga yetmagan bolalari boʻlsa, u holda bolalarining tugʻilganlik haqidagi guvohnomalari;

4. ariza beruvchining pasportidan yoki shaxsini tasdiqlovchi boshqa hujjatidan koʻchirma;

5. agar ariza beruvchi voyaga yetmagan yoki sud qarori bilan muomalaga layoqatsiz deb topilgan boʻlsa, u holda ota-onasining yoxud vasiy yoki homiyning arizasi;

6. 1 dona (3x4 oʻlchamli) fotosurat.

Oʻzgartirishlar kiritilishi uchun zarur boʻlgan dalolatnoma yozuvlari yoʻqolgan taqdirda, familiya, ism, ota ismini oʻzgartirish ushbu hujjatlar tiklangandan keyin amalga oshiriladi.

FHDY

Yoshlar

Taʼlim krediti, sertifikatlar, subsidiyalar, imtiyozlar, o‘qitish, taʼlim muassasalari

Fuqarolik

Davlat xizmatlari, vakolatli organ, ID-karta, biometrik pasport, fuqaro, qonunlar

Adliya

Adliya vazirligi, FHDY, ERI, huquqlar, normativ-huquqiy hujjatlar, majburiyatlar