Question 1

Tibbiy faoliyatni amalga oshirish uchun litsenziya olish maqsadida qaysi idoraga va qanday hujjatlarni ilova qilgan holda murojaat qilinadi?

Accepted Answer

Litsenziya olish uchun arizalar litsenziyalovchi organga “Litsenziya” AT yoki YIDXP orqali taqdim etiladi.

arizada quyidagi maʼlumotlar koʻrsatiladi:

a) yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, bank muassasasining nomi va bank hisobvaragʻi, telefon raqami, STIR, elektron pochta manzili (agar mavjud boʻlsa), tibbiy faoliyat amalga oshiriladigan muddat, litsenziya toifalari boʻyicha tanlash, ariza toʻldirish sababi (yangi litsenziya olish, qayta rasmiylashtirish), litsenziyani olish tartibi (umumiy yoki tezlashtirilgan tartib), litsenziya talabgorining litsenziya talablari va shartlariga rioya qilishga roziligi;

b) tasdiqlangan eng kam talablarga muvofiq tibbiy faoliyatni amalga oshirish uchun zarur boʻlgan uskunalar va boshqa texnika vositalari, shu jumladan, tibbiy texnikaning mavjudligi haqidagi maʼlumot.

Asos: O‘zbekiston Respublikasi Vazirlar Mahkamasining “maxsus elektron tizim orqali faoliyatning ayrim turlarini litsenziyalash tartibi to‘g‘risidasidagi yagona nizomni tasdiqlash haqida”2022-yil 21-fevraldagi 80-son qarori

Question 2

Endilikda sanatoriylarga yoʻllanmalar DXMlar orqali berilar ekan, yoʻllanmalar kimlarga beriladi?

Accepted Answer

Yoʻllanmalar quyidagi toifadagi keksalar va nogironligi boʻlgan shaxslarga beriladi:

urush nogironlariga va qatnashchilariga tenglashtirilgan shaxslar;
halok boʻlgan harbiy xizmatchilarning yangi nikohdan oʻtmagan beva xotinlari (beva erlari);
respublika ahamiyatiga molik shaxsiy pensiya oluvchi shaxslar;
Chernobil AES halokati oqibatida nurlanish kasalligiga chalingan va uni boshidan kechirgan shaxslar, shuningdek, Chernobil halokati sababli nogiron boʻlib qolgan shaxslar;
yadro poligonlari va boshqa radiatsiya-yadro obyektlarida harbiy xizmatni oʻtagan pensiya yoshidagi shaxslar;
I va II-guruh nogironligi boʻlgan shaxslar, koʻzi ojiz I-guruh nogironini kuzatib boruvchi shaxs;
oʻzgalar parvarishiga muhtoj boʻlgan yolgʻiz keksalar;
yoshga doir pensiya oluvchilar.

Asos: Oʻzbekiston Respublikasi Vazirlar Mahkamasining 19.11.2021-yildagi “Aholiga sanatoriylarda davolanish uchun yoʻllanmalar berish sohasiga axborot-texnologiyalarini joriy etish toʻgʻrisida” 693-son qarori

Question 3

Fuqarolar tomonidan narkologiya va ruhiy kasalliklar boʻyicha dispanseri hisobida turishi yoki turmasligi toʻgʻrisida maʼlumotnoma berish boʻyicha qayerga murojaat qilish kerak?

Accepted Answer

Huquqiy asos: O‘zbekiston Respublikasi Vazirlar Mahkamasining 2023-yil 20-noyabrdagi "Davlat xizmatlarini ko‘rsatishni tartibga soluvchi normativ-huquqiy hujjatlarni tizimlashtirish chora-tadbirlari to‘g‘risida"gi 612-son qarori.

Maʼmuriy reglamentlarning 5–bandlarida ariza beruvchi davlat xizmatidan foydalanish uchun Davlat xizmatlari markaziga o‘zi kelib murojaat etadi yoki davlat xizmatlaridan elektron tarzda foydalanish uchun YIDXPda ro‘yxatdan o‘tadi.

Question 4

Oilaviy shifoxonalarda nechta turdagi bepul dorilarni olish imkoniyati mavjud ?

Accepted Answer

109 turdagi bepul dorilarni shifokor ko‘rsatmasiga asosan olish imkoni mavjud. Ushbu dorilar ro‘yxatiga buyrak yetishmovchiligi va orttirilgan immunitet tanqisligi kasalliklari ham kiradi.

Question 5

Oilaviy shifoxonalarda qancha turdagi qon tahlillaridan bepul foydalanish mumkin?

Accepted Answer

Oilaviy shifoxonalarda 19 turdagi qon tahlil tekshiruvlaridan foydalanish mumkin. Bundan tashqari yurak-qon tomir va moddalar almashinuvi kasalliklarini erta aniqlash skrining tekshiruvlari mavjud.

Sog‘liq va ijtimoiy himoya

Ijtimoiy masalalar va tibbiy-ijtimoiy xizmatlar

Subsidiyalar, nafaqalar, to‘lovlar, imtiyozlar, qulayliklar, taʼlim olish huquqi

Onalar uchun imtiyozlar

Pensiya jamg‘armasi, nafaqalar, qulayliklar, to‘lovlar, ijtimoiy himoya, BHM

Subsidiya

Ipoteka krediti, xarajatlarni qoplash, to‘lov qobiliyatini aniqlash, kompensatsiya