Ягона порталда нодавлат таълим муассасаларининг чет тилларини ўрганиш бўйича ўқув курсларини ташкил этиш соҳасида фаолият кўрсатиши ҳуқуқига янги лицензия олиш имкони мавжуд.

Заргарларга юқори сифатли қимматбаҳо металларни етказиб беришда аффинаж фаолиятининг хизмати улкандир. Ушбу йўналишда, Ягона порталининг афзалликларидан бири аффинаж фаолиятини амалга ошириш учун янги лицензияни онлайн тарзда олишдир.

Одамлар СТИР қисқартмаси билан турли ёшларда тўқнашадилар: кимдир мактабда, кимдир институтда, кимдир ишда, аммо шу ёки бошқа ҳолларда барча бу нима эканлигидан хабар топади.

Ҳеч кимга сир эмаски, бизнеснинг муваффақияти бевосита тижорат кўчмас мулкини сотиб олиш еки ижарага олиш жараёнларига боғлиқ.

Чиройли имзо билан жуда озчилик мақтана олади, боиси кўпинча уни16 ёшга тўлибоқ биринчи паспортингизни олаётганингизда ўйлаб топишингиз керак бўлади.

Йўл ҳаракати қоидаларини бузганлик учун жарималарни текширишда ҳали ҳам пуллик СМС хизматларидан фойдаланяпсизми? MyGovUz мобил иловасида транспорт воситалари ҳақидаги маълумотларни тезкор ва энг муҳими бепул кўриш имконияти мавжуд эканлигини билармидингиз?

Aҳолига электрон давлат хизматларини кўрсатишни такомиллаштириш бўйича ишлар тўхтамайди. Бу сафар тадбиркорлар учун қўшимча шароитлар яратилди.

Қурилиш - бу жиддий ва масъулиятли муносабат билан қабул қилиниши керак бўлган жараёндир. Ҳар бир биринчи навбатда тугаган объект қандай кўринишини тасаввур қилади - ташқи кўриниши, материаллари, элементлари ва дизайни ҳақида ўйлайди.

Спорт иншоотининг паспорти бу техник ва ишлаб чиқариш қуввати, ишчи ва фойдали майдон, техник кўрсаткичлар, спорт иншоотларини ташкил этувчи бино ва иншоотларнинг сиғими, шунингдек унинг эгаси манзили ҳақидаги маълумотларни ўз ичига оладиган ҳужжатдир.

Эндиликда ноширлик ва матбаа соҳасида фаолият кўрсатувчи тадбиркорлардан лицензия ва рухсатнома олиш талаб этилмайди.

Спорт билан шуғулланасизми? Сиз доимо одамларни аниқликка, чаққонликка ва ҳаракатчанликка ўргатишни орзу қилганмисиз? Энди Сизда Ягона портал орқали ариза юбориш йўли билан спорт мураббийи бўлиш имконияти бор!

Ягона портал орқали “Дафн маросимларини ўтказиш учун нафақа пулини олишга ариза бериш” хизмати йулга қўйилди.

Биламизки, ҳар бир оила ҳаётидаги энг бахтли ва узоқ кутилган кунлардан бири бу фарзанднинг туғилишидир. Бу воқеа содир бўлганда, ота-оналарнинг юраги бахт билан тўлишиб кетади ва албатта, бу пайтда хурсандчиликнинг моддий томони ҳақида ўйлаш истаги ҳам бўлмайди. Бундай бахтли кунга қўшимча равишда, ҳукуматимиз томонидан фарзанд туғилганда бериладиган бир марталик нафақа пулини тўлаш кўзда тутилган.

Давлат хизматлари статистикаси эндиликда очиқ ахборот ҳисобланади

Абитуриентларни онлайн рўйхатдан ўтказиш тез орада ишга тушади.

Ҳозирги замонда интерактив давлат хизматларини кўрсатишда мобил сервисларни жорий этилиши долзарбдир, сабаби айнан мобил телефонлар деярли доим инсоннинг ёнида бўлади. Шу сабабли Ягона порталда СМС-хабардор қилиш янги функцияси ишга туширилди.

📩 СМС-хабардор қилиш функциясига уланишда Сизнинг аризангиз ҳолати билан боғлиқ ўзгаришлар Сизга СМС-хабарлар орқали етказилади.

✅ Тегишли давлат ташкилотининг ариза бўйича олиб борилган ишлари якунига етганидан сўнг, Сизга уни кўриб чиқиш натижасига боғлиқ СМС-хабар келади.

👉 Хизмат нархи- 1 смс учун 40 сўм.

my.gov.uz - электрон давлат хизматлари Сиз ўйлагандан ҳам осонроқ!

Ҳурматли фойдаланувчилар, таъкидлаш лозимки, 2020 йилнинг бошидан бошлаб «UZINFOCOM давлат ахборот хизматларини яратиш ва қўллаб-қувватлаш бўйича ягона интегратор» МЧЖ ва «Электрон ҳукумат ва рақамли иқтисодиёт лойиҳаларини бошқариш маркази» ДУК томонидан қуйидаги 19 та янги хизматлар муваффақиятли ишга туширилди:
1. Автотранспорт воситалари ҳаракатланишига махсус рухсатнома олиш;
2. Автомобиль транспортида йўловчиларни ва юкларни шаҳарда, шаҳар атрофида, шаҳарлараро ва халқаро йўналишлар бўйича ташишга лицензия;
3. Маиший чиқиндилар учун шахсий ҳисобварақа ҳолати тўғрисидаги маълумотлар;
4. Ипотека кредитига Давлат субсидиясини олишга ариза бериш;
5. Ижро ҳужжати бўйича қарздорликни текшириш;
6. Ўқиш жойидан маълумотнома олиш (олий таълим муассасаларидан);
7. Руҳий касалликлар бўйича диспансер ҳисобида туриши ёки турмаслиги тўғрисида маълумотнома олиш;
8. Наркология бўйича диспансер ҳисобида туриши ёки турмаслиги тўғрисида маълумотнома олиш;
9. Қишлоқ хўжалигига мўлжалланмаган ер участкаларини хусусийлаштириш;
10. Тиббий буюмларни давлат рўйхатидан ўтказишга ариза юбориш;
11. Миграция ва фуқароликни расмийлаштириш бўлими (паспорт столи) электрон навбатга туришни расмийлаштириш;
12. Ўзбекистон Республикасида дори воситасини давлат рўйхатидан ўтказиш тўғрисида ариза бериш;
13. Матбаа фаолиятини амалга ошириш учун рухсат олиш;
14. Оммавий ахборот воситаларини давлат рўйхатидан ўтказишга ариза бериш;
15. Ноширлик фаолиятини амалга оширишга янги лицензия олиш;
16. Ёввойи ҳайвонларни тутиш учун рухсатнома олишга ариза юбориш;
17. Моддий маданий мероснинг кўчмас мулк объектларини асрашга доир фаолият учун янги лицензия олиш;
18. Аффинаж фаолиятини амалга ошириш учун янги лицензия олишга ариза юбориш;
19. Автотранспорт воситалари ҳақида маълумот.

Эҳтиёткорлик чораларига риоя қилинг ва my.gov.uz орқали давлат хизматларидан фойдаланинг!

Ҳурматли фойдаланувчилар!
Ягона интерактив давлат хизматлари порталида профилактика ишлари олиб борилиши муносабати билан жорий йилнинг 4 апрелидан 5 апрель санасига ўтар кечаси соат 00:00 дан 08:00 гача my.gov.uz фаол ҳолатда бўлмаслигини маълум қиламиз..

Вақтинчалик ноқулайликлар учун олдиндан узр сўраймиз!!!

❗️❗️Ҳурматли фуқаролар!

my.gov.uz порталининг иш фаолияти билан боғлиқ бир қанча салбий фикрларнинг келиб чиқишини инобатга олиб, қуйидагиларни эътиборга олишингизни сўраймиз:
Электрон ҳукумат ва рақамли иқтисодиёт лойиҳаларини бошқариш маркази ҳамда Ягона интегратор UZINFOCOMнинг вазифаларидан бири бу, интерактив давлат хизматларини my.gov.uz порталига жорий этиш ва порталнинг ишлашини таъминлашдан иборат.
Автомобил воситаларига махсус рухсатнома стикерларини олиш бўйича хизмат, Ўзбекистон Республикасига коронавируснинг кириб келиши ва тарқалишининг  олдини олиш бўйича чора-тадбирлар дастурини тайёрлаш бўйича Республика махсус Комиссияси Раҳбари томонидан имзоланган Регламентга асосан жорий этилган.
Хизмат бўйича юборилган аризага рухсатнома бериш ёки рад этиш бўйича қарорни Давлат хизматлари агентлигининг масъул ҳодимлари 👉 (www.davxizmat.uz) қабул қиладилар. Ариза берувчининг фаолият тури регламент талабларига мос келмаса, рад бериш тўғрисидаги қарор ахборот тизими орқали автоматик тарзда берилади.
Шу нарсани қайд этиб ўтиш лозимки, ушбу функция махсус рухсатнома бериш талаблари асосида амалга оширилган бўлиб, айни вақтда хизматдан фойдаланиш учун ариза жўнатиш вақтида, Давлат хизматлари агентлиги ходимлари томонидан тақдим этилган, умумдавлат иқтисодий фаолият турлари бўйича классификатор (ОКЭД) коди бўйича фильтр ўрнатилган.

☎️Ушбу хизматни кўрсатиш билан боғлиқ саволларингизга жавобни, Давлат хизматлари агентлигининг қисқа телефон рақами: 1148 дан олишингиз мумкин.

“Aвтотранспорт воситалари ҳаракатланишига махсус рухсатнома олиш” хизматига талаб юқори бўлганлиги сабабли ва хизматдан фойдаланишни соддалаштириш мақсадида, Ягона интерактив давлат хизматлари порталида (ЯИДХП) ушбу хизмат учун id.gov.uz орқали авторизация талаб қилинмайди.
Хизмат “Аҳоли учун оммабоп хизматлар” рукнига олинди ва порталнинг асосий саҳифасига жойлаштирилди.