Платформалар xarid.uzex.uz, xt-xarid.uz, e-auksion.uz, xarid.uz Ўзбекистонда электрон харидларнинг онлайн платформалари бўлиб, турли товарлар ва хизматларни харид қилиш жараёнини осонлаштириш учун мўлжалланган.

Онлайн харидларнинг афзалликлари:

Давлат идоралари ва тадбиркорлик фаолиятида платформадан фойдаланиш: Платформалардан Ўзбекистондаги давлат идоралари, корхона ва ташкилотлари харид фаолиятини электрон шаклда самарали амалга ошириш учун фойдаланишлари мумкин.

Шаффофлик ва самарадорлик: Бундай электрон сотиб олиш тизимлари шаффофликни ошириш, ҳужжатларни қисқартириш ва сотиб олиш жараёнини оптималлаштиришга қаратилган бўлиб, уни янада самарали ва арзонроқ амалга ошириш имкониятини тақдим этади.

Фойдаланувчилар учун хизматлар: Платформалар харид эълонларини жойлаштириш, таклифлар бериш ва сотиб олиш қоидалари ва кўрсатмалари билан боғлиқ маълумотларга кириш каби хизматларни таклиф қилиши мумкин.

Масъулияти чекланган жамиятини рўйхатдан ўтказиш усуллари:

- онлайн тартибда фо.бирдарча.уз сайти орқали (электрон рақамли имзо олиш талаб этилади);

- Исталган давлат хизматлари марказига мурожаат қилган ҳолда;

Тақдим этиладиган ҳужжатлар:

аризачининг шахсни тасдиқловчи ҳужжат;

Таъсис ҳужжатлар (устав ва таъсис шартномаси агар таъсисчи 2 та ва ундан ортиқ);

Давлат божи базавий ҳисоблаш миқдорининг

1 баравари. (онлайн тартибда 90 фоизи)

Масъулияти чекланган жамияти 15-30 дақиқада давлат рўйхатидан ўтказилади.

Ўзбекистон Республикаси «Масъулияти чекланган ҳамда қўшимча масъулиятли жамиятлар тўғрисидаги Қонуннинг (https://lex.uz/docs/22525), Ўзбекистон Республикаси Фуқаролик кодексининг 58-72-моддалар (https://lex.uz/docs/111189), Вазирлар Маҳкамасининг 2017 йил 9 февралдаги 66-сонли қарори билан тасдиқланган Тадбиркорлик субъектларини давлат рўйхатидан ўтказиш тартиби тўғрисидаги низоми (https://lex.uz/docs/3111347)

Ўзбекистон Республикаси Вазирлар Маҳкамасининг 66-сонли қарори билан тасдиқланган "Тадбиркорлик субъектларини давлат рўйхатидан ўтказиш тартиби тўғрисида"ги низомнинг 1-боби 1-бандининг 1-хатбошисига кўра, ушбу Низом талаблари давлат рўйхатидан ўтказилиши қонун ҳужжатларида белгиланган тартибда амалга ошириладиган банклар ва кредит бюролари, уларнинг ваколатхоналари ҳамда филиаллари (Ўзбекистон Республикаси Марказий банки бошқарувининг 30.06.2020 йилдаги 3252-сон қарори), шунингдек нодавлат нотижорат ташкилотларини давлат рўйхатидан ўтказишга (Ўзбекистон Республикаси Вазирлар Маҳкамасининг 10.03.2014 йилдаги 57-сон қарори билан тасдиқланган «Нодавлат нотижорат ташкилотларини давлат рўйхатидан ўтказиш тартиби тўғрисидаги низом асосида) татбиқ этилмайди.

Юридик шахсларнинг таъсисчисиларини ўзгартириш Вазирлар Маҳкамасининг 2017 йил 9 февралдаги 66-сон қарори билан тасдиқланган «Тадбиркорлик субъектларини давлат рўйхатидан ўтказиш тартиби тўғрисидаги низомга мувофиқ амалга оширилади.

Ушбу Низомга 7-иловага мувофиқ Муассисларнинг (иштирокчиларнинг) устав фондидаги улушлари (ҳиссалари) ўзгариши (акциядорлик жамиятлари бундан мустасно) тегишли битим амалга оширилган пайтдан бошлаб 30 кун мобайнида мажбурий қайта рўйхатдан ўтказилади.

Юридик шахс таъсисчиси ўзгартирилаётганда Тизим воситасида ушбу Низомнинг 13-бандида назарда тутилган талабларни инобатга олган ҳолда қуйидаги ҳужжатлар сўровномага илова қилинади:

• тадбиркорлик субъекти ваколатли бошқарув органининг таъсис ҳужжатларига устав фонди миқдорининг оширилиши, улушнинг (ҳиссанинг) бошқа шахсга ўтиши билан боғлиқ бўлган ўзгартириш ва (ёки) қўшимчалар киритиш тўғрисидаги қарори;
• давлат тилидаги таъсис ҳужжатлари;

улушнинг (ҳиссанинг) бошқа шахсга ўтганлигини тасдиқловчи ҳужжат (шартнома, хат, ҳуқуқий ворислик, мерос, суд қарори ва шу кабилар) — улуш (ҳисса) бошқа шахсга ўтганда. Бунда улушнинг (ҳиссанинг) бошқа шахсга ўтиши билан боғлиқ ўзгартириш ва қўшимчаларни қайта рўйхатдан ўтказишда, муассисларнинг сўровномада кўрсатилган электрон почта манзилига Тизим томонидан юборилган хабарнома ва уларнинг муассислигини Ягона идентификациялаш тизими орқали идентификациялашни тасдиқлаш йўли билан ҳар бир муассиснинг розилиги мавжуд бўлиши керак.

•         Тўғридан-тўғри хусусий хорижий инвестицияларни жалб этадиган корхоналар ер солиғи, мол-мулк солиғи ва сув ресурсларидан фойдаланганлик учун солиқни тўлашдан озод этилади.

Белгиланган солиқ имтиёзлари тўғридан-тўғри хусусий хорижий инвестициялар миқдорига қараб берилади:

•         300 минг АҚШ долларидан 3 миллион АҚШ долларигача — 3 йил муддатга;

•         3 миллион АҚШ долларидан ортиқ ва 10 миллион АҚШ долларигача — 5 йил муддатга;

•         10 миллион АҚШ долларидан ортиқ бўлганда — 7 йил муддатга.

Тўғридан-тўғри хусусий хорижий инвестициялар учун бериладиган имтиёзлар жорий этиладиган иқтисодиёт тармоқлари рўйхати билан танишиш учун ушбу ҳаволага ўтинг.

Алоҳида солиқлар бўйича имтиёзлар Тошкент шаҳри ва Тошкент вилоятига татбиқ этилмайди. Бу чеклов туризм ва чиқиндилар билан боғлиқ соҳасида корхоналарга тааллуқли эмас.

Корхона ташкил этилгандан (давлат рўйхатидан ўтказилганидан) кейин ёки киритилган хорижий инвестициялар суммасини оширганда солиқ имтиёзларини қўллаш бўйича шартли мисоллар билан бу ерда танишинг.

Норматив ҳужжатлар

Ўзбекистон Республикаси Солиқ кодекси

Ўзбекистон Республикаси Президентининг «Тўғридан-тўғри хусусий хорижий инвестицияларни жалб этишни рағбатлантириш борасидаги қўшимча чора-тадбирлар тўғрисида»ги ПФ-3594-сон Фармони

Ўзбекистон Республикаси Вазирлар Маҳкамасининг «Давлат хизматлари марказлари ёки онлайн тарзда (масофадан туриб) расмий ахборот ресурслари орқали электрон рақамли имзо калитини рўйхатга олиш ва электрон рақамли имзо калитининг сертификатини бериш бўйича давлат хизматлари кўрсатишнинг маъмурий регламентини тасдиқлаш ҳақида» 2018 йил 10 майдаги 348-сон қарорига асосан (https://lex.uz/docs/3730168) ЭРИ калитларининг сертификатларини бериш учун юридик шахслардан ва юридик шахс ташкил этмаган тадбиркорлик субъектларидан базавий ҳисоблаш миқдорининг 10 фоизи, жисмоний шахслардан эса 7 фоизи миқдорида йиғим ундирилади, қонун ҳужжатларида ЭРИ калитларининг сертификатларини бепул олиш назарда тутилган ҳоллар бундан мустасно.

Кўчмас мулк ижара (текин фойдаланганлик тўғрисидаги) шартномаларини Давлат солиқ хизмати органларида ҳисобга қўйилганлиги тўғрисидаги гувоҳнома шакли, ҳар иккала томон тасдиқлагандан кейин шаклланади.

Гувоҳномада махсус QR-код мавжуд бўлиб, ушбу кодни мобил илова орқали сканерлаш орқали ижарага берувчи, ижарага олувчи ва ижарага берилаётган кўчмас мулк объекти тўғрисида батафсил маълумот олиш мумкин. Шунингдек, гувоҳномада QR-код мавжудлиги унинг ҳақиқийлигини билдиради.