Ҳурматли фойдаланувчилар!
"Ягона интегратор UZINFOCOM" MЧЖнинг маълумотлар марказида профилактика ишлари олиб борилиши муносабати билан жорий йилнинг 15 февралидан 16 феврал санасига ўтар кечаси соат 00:00 дан 03:00 гача my.gov.uz ахборот тизими фаол ҳолатда бўлмаслигини маълум қиламиз.
Вақтинча келтирилган ноқулайликлар учун узр сўраймиз!

2020 йил 1 январдан бошлаб маҳаллий давлат ҳокимияти органларининг айрим функциялари ва ваколатлари тегишли давлат органларининг ҳудудий бўлинмаларига ўтказилиши муносабати билан Ягона интерактив давлат хизматлари порталидаги (кейинги ўринларда - ЯИДХП) қуйидаги хизматлар вақтинча ўчирилди:
1) Алкоголли маҳсулотлар билан чакана савдо қилиш ҳуқуқини берувчи рухсат гувоҳномаси;
2) Умумий овқатланиш корхоналари томонидан алкоголли маҳсулотларни сотиш ҳуқуқини берувчи рухсат гувоҳномаси;
3) Турар жойни нотурар жой тоифасига ўтказиш учун рухсатнома;
4) Дори воситалари ва тиббиёт буюмларини чакана савдоси учун лицензия бериш;
5) Хорижий тилларни ўрганиш бўйича нодавлат таълим муассасаларининг ўқув курсларини ташкил этиш соҳасидаги фаолиятини амалга ошириш учун лицензия.

Асос: Ўзбекистон Республикаси Президентининг 2019 йил 9 декабрдаги ПҚ-4546-сон қарори.
Бугунги кунда, тегишли давлат бошқаруви органларининг идоравий ахборот тизимларини ЯИДХПга улаш бўйича техник ишлар амалга оширилмоқда. Техник ишлар якунланганидан сўнг давлат хизматларидан ЯИДХПда фойдаланиш имкони бўлади.

Ягона интерактив давлат хизматлари порталидан аҳоли ва тадбиркорлик субъектари осон ва қулай фойдаланишлари учун имкониятлар кенгайтирилди ҳамда ўзгартиришлар киритилди. Жорий ўзгаришлар келгусида аҳолининг ижтимоий ҳаётини ривожлантириш, давлат бошқарувини самарадорлигини ошириш, бизнес ва хусусий тадбиркорлики ривожлантириш учун қулай шароитлар яратиш, давлат хизматларидан фойдаланишни соддалаштиришга қаратилган.

2019 йил 14-19 август кунлари Давлат хизматлари марказлари ҳамда Ягона интерактив давлат хизматлари портали (my.gov.uz) орқали Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси томонидан кўрсатиладиган қуйида белгиланган хизматлар тақдим этилиши вақтинча тўхтатилади: - Фарзанд туғилганда бериладиган бир марталик нафақа пулини олиш; - Пенсия ва нафақалар миқдори тўғрисида маълумотнома олиш; - Дафн маросимларини ўтказиш учун нафақа пулини олиш.

Мактабгача таълим вазирлигининг расмий мурожаатига биноан, мактабгача таълим бошқариш тизимини такомиллаштириш учун имтиёзи бор болаларни электрон навбатга қўйишда махсус ҳисобга қўйиш ва мониторинг қилиш тизими жорий этилмоқда.
Ушбу ишлар тизимли муаммоларини бартараф этиш ва уларнинг олдини олиш, шунингдек, мазкур хизматни кўрсатишда инсон омилини бутунлай йўқ қилиш ва тўлиқ автоматлаштириш учун амалга оширилмоқда.
Шу боис, “Болаларни давлат мактабгача таълим муассасасига қабул қилиш навбатини текшириш” ва “Болаларни давлат мактабгача таълим муассасаларига қабул қилиш бўйича электрон ариза юбориш” давлат хизматларини Ягона портал орқали кўрсатиш вақтинча тўхтатилади.

     Ўзбекистон Республикаси Вазирлар Маҳкамасининг 2019 йил 7 майдаги 381-сон “Қурилиш соҳасида айрим фаолият турларини лицензиялаш ва аккредитация қилиш тўғрисида”ги қарори билан архитектура-шаҳарсозлик ҳужжатларини ишлаб чиқиш бўйича фаолиятни лицензиялаш тартиби тўғрисидаги янги низом тасдиқланган.
     Мазкур низомга мувофиқ Ягона порталда “Архитектура-шаҳарсозлик ҳужжатларини ишлаб чиқиш фаолиятини амалга ошириш ҳуқуқига лицензия олиш” хизмати ишга тушди.
     Хизмат порталнинг “Лицензиялаш” соҳасида юридик шахслар учун кўрсатилади.

Ягона интерактив давлат хизматлари портали орқали «ЙҲҚни бузганлик учун жарималар» хизматини сифатли кўрсатиш учун талаб этиладиган техник имкониятлар тақдим этилмаганлиги сабабли, мазкур хизматни кўрсатиш вақтинчалик тўхтатилди.

     Малакали чет эллик мутахассислар томонидан меҳнат фаолиятини амалга ошириш учун қулай шароитлар яратиш мақсадида Ягона интерактив давлат хизматлари порталида Ўзбекистон Республикасига хориждан ишчи кучини жалб қилиш ва ундан фойдаланиш бўйича хизматларнинг янги версияси ишга тушди.

     Хизмат турлари порталнинг “Лицензиялаш” соҳасида “Ўзбекистон Республикасига хориждан ишчи кучини жалб қилиш ва ундан фойдаланиш” хизматига жойлаштирилган.

     Бош провайдер "Узбектелеком" АК томонидан олиб бориладиган техник ишлар сабабли 05.05.2019й. соат 01:00 дан 05:00 гача Ягона интерактив давлат хизматлари порталининг Интернет тармоғидаги фаолиятида қиска муддатли узилишлар ва маълумотлар узатиш сифатининг пасийиши юзага келишини маълум қиламиз. Келтирилган нокулайликлар учун узр сураймиз!

     Ўзбошимчалик билан қурилган иморатларни қонунийлаштириш бўйича бир марталик умумдавлат акцияси муддати якунланиши муносабати билан, Ягона интерактив давлат хизматлари порталидаги “Ўзбошимчалик билан қурилган иморатга нисбатан мулк ҳуқуқини олиш учун ариза юбориш” хизмати жорий йилнинг 1 майидан ўчирилади.

     Ўзбекистон Республикаси Вазирлар Маҳкамасининг 2018 йил 29 декабрдаги 1060-сон «Кўчмас мулк объектларига бўлган ҳуқуқларни давлат рўйхатидан ўтказиш тартибини такомиллаштириш чора-тадбирлари тўғрисида» қарори билан кўчмас мулк объектларига бўлган ҳуқуқларни давлат рўйхатидан ўтказиш тартиби тўғрисида низом белгиланган ва мазкур тартиб асосида Ягона интерактив давлат хизматлари порталида “Кўчмас мулк объектларига бўлган ҳуқуқларни давлат рўйхатидан ўтказишга ариза юбориш” хизмати кўрсатилмоқда.
     Ушбу хизмат ёрдамида фойдаланувчилар ер участкалари, бинолар ва иншоотларга эгалик ҳуқуқини рўйхатидан ўтказишлари мумкин.
     Мазкур хизматнинг кўрсатилишини инобатга олган ҳолда Ягона интерактив давлат хизматлари порталида кўрсатилган “Ер участкасига бўлган ҳуқуқни давлат рўйхатидан ўтказилганлиги тўғрисида гувоҳномани олишга ариза юбориш” хизмати ўчирилди.

Ўзбекистон Республикаси Вазирлар Маҳкамасининг 2019 йил 1 февралдаги 80-сон “Фуқароларнинг пенсияларини ҳисоблаш учун зарур бўлган ҳисобланган иш ҳақининг якка тартибдаги ҳисобини юритишни жорий этиш чора-тадбирлари ҳақида” қарорига мувофиқ, 2019 йил 1 январдан бошлаб ҳар бир жисмоний шахс бўйича иш берувчилар томонидан давлат солиқ органларига жисмоний шахслардан олинадиган даромад солиғи бўйича солиқ ҳисоботи таркибида белгиланган тартибда электрон шаклда тақдим этилиши ўрнатилган.  Шундан келиб чиқиб, Ягона интерактив давлат хизматлари порталида фуқароларнинг ҳисобланган иш ҳақи суммалари тўғрисидаги маълумотларни  ҳисобланган иш ҳақининг якка тартибдаги ҳисобини юритишнинг марказлаштирилган реестридан олиш хизмати ишга туширилди.

Эндиликда, Ягона интерактив давлвт хизматлари портали орқали эски наъмунадаги миллий ҳайдовчилик гувоҳномаларини янги наъмунадаги миллий ҳайдовчилик гувоҳномаларига алмаштириш учун ариза юборилганда фойдаланувчиларга хизматдан фойдаланиш учун тўлов топшириқномаси тақдим этилади. Хизматдан қандай фойдаланиш мумкин? 1. Ягона портал орқали ариза берилади ва банк кассалари орқали тўловни амалга оширилади; 2. Фуқаролик паспорти, эски ҳайдовчилик гувоҳномаси, талон ва тўловлар тўланганлиги ҳақидаги квитанциянинг асл нусхалари билан тегишли Давлат хизматлари марказига ташриф буюрилади; 3. Гувоҳнома учун Давлат хизматлари марказида расмга тушиш (ёки расмни жисмоний шахсларнинг маълумотлар базасидан олиш имкони мавжуд, яъни гувоҳномага фуқаролик паспортидаги расм автоматик тарзда жойлаштирилади) 4. Шахсий имзо қўйилади ва янги намунадаги гувоҳнома олинади.

Эндиликда, Ягона интерактив давлат хизматлари портали ва Электрон ҳукуматнинг инфокиосклари орқали фуқароларнинг Давлат хизматлари марказларидан юборган аризалари ҳолатини текшириш, аризанинг кўриб чиқилиши босқичларини кузатиб бориш имкони мавжуд. Бунда фойдаланувчилардан аризанинг рақами ва махсус паролни киритиш талаб этилади. Маҳсус код ҳар бир аризанинг Амаллар хронологиясидаги “Ариза тўғрисида маълумот” менюсида жойлаштирилган бўлади.
Давлат хизматлари марказлари орқали ариза юборилганда, унинг махсус паролини оператордан сўрашингиз мумкин.

Мазкур хизматни 2019 йил 19 мартдан кейин юборилган аризаларга қўллаш мумкин.

Меҳнат фаолиятини тасдиқлаш тўғрисидаги архив маълумотномасини олиш бўйича ва иш ҳақи миқдорини тасдиқлаш тўғрисидаги архив маълумотномасини олиш бўйича хизматларни электрон кўрсатиш қайта тикланди. Аввал ушбу хизматлар Ягона порталнинг эски талқини орқали кўрсатилган эди.

Ягона интерактив давлат хизматлари порталида электр энергияси, табиий газ ва сув ҳисоблагичларини ечиш ва ўрнатишга ариза бериш бўйича янги хизматлар ишга тушди.