Hech kimga sir emaski, biznesning muvaffaqiyati bevosita tijorat ko‘chmas mulkini sotib olish yeki ijaraga olish jarayonlariga bog‘liq. 

Biznesingizni tashkil qilishda birinchi navbatda firma yoki ishlab chiqarish korxonasi joylashadigan bino bilan bog‘liq barcha masalalarni hal qilish kerak. Ammo ba’zan bu binolar turar joy toifasiga kirishi mumkin, bu esa ularni noturar joy toifasiga o‘tkazish uchun ruxsat olishni talab qiladi.

Ushbu ruxsatnomani my.gov.uz Yagona portali yordamida olish juda oson. Buning uchun sizdan quyidagilar talab qilinadi:

• https://my.gov.uz/oz/service/view/22 havolasi orqali ariza to‘ldirish;
• xonadon egalari va voyaga yetgan oila a’zolarining notarial tasdiqlangan yozma roziligi;
• arizani ko‘rib chiqish uchun yig‘im to‘lash.

Arizani ko‘rib chiqish uchun yig‘im binolarning mintaqaviy joylashishiga qarab bazaviy hisoblash miqdorining 10 - 30 foizgacha olinadi, xizmatni ko‘rsatish muddati esa 8 kunni tashkil qiladi.

Ha, aytgancha, biz ushbu xizmatni ham my.gov.uz Yagona portali orqali 10% arzon narxda olish mumkinligini eslatishdan charchamaymiz.

My.gov.uz - tez, oson va arzondir!