Bugun nafaqat shahar markazi, balki chekka qishloqlardagi yurtdoshlarimiz ham elektron davlat xizmatlaridan my.gov.uz portali orqali onlayn foydalanishlari mumkin.

Buning uchun uyimizda internetga ulangan kompyuter va noutbuk yoki yonimizda qo'l telefonimiz bo'lsa kifoya.

Masalan, hozirgi kunda oilalar davlat tashkilotlariga bormasdan “Ijtimoiy himoya yagona reyestri” ga kirish uchun ariza berishi yoki hisoblangan ish haqi to‘g‘risida ma’lumotnoma olishi mumkin.

Hatto pensionerlar va nogironlar uyidan chiqmay turib, sanatoriylarda davolanish uchun yo‘llanmalar olish imkoniyatiga ega.

Haydovchilar avtomobil transportida yo‘lovchilar va yuklarni tashishga litsenziya olish, avtotransport boshqaruvi uchun elektron ishonchnoma berish kabi xizmatlardan foydalansalar bo‘ladi.

Onalar uchun bolani bog‘chaga navbatga qo‘yish  va navbatni tekshirib borish  qulayligi yaratilgan.

Turmush quradigan yoshlar keraksiz hujjatlarga ortiqcha vaqt sarflamay, nikohdan o‘tishga onlayn ariza topshirishlari  va FHDYOga faqat to‘ydan oldin borishlari mumkin.

My.gov.uz da joriy etilgan 400 dan ziyod elektron davlat xizmatlaridan onlayn foydalaning. Vaqtingiz va naqdingizni tejang!