My.gov.uz da pensiya tayinlash uchun ariza topshirish boʻyicha yangi onlayn xizmat ishga tushirildi. Endi pensiya olish uchun murojaat qilishning anʼanaviy usulidagi qiyinchiliklar va noqulayliklarni unuting.

Xizmatning afzalliklari:

Avvalo, qulay: istalgan paytda va internetga kirish imkoniyati boʻlgan joydan pensiya olish uchun ariza topshirish mumkin.

Vaqtni tejaydi: kunlar navbat kutib oʻtkazilmaydi. Onlayn xizmat vaqtni tejash va natijani tezroq olish imkonini beradi.

Shuningdek, oddiy: ariza topshirish jarayoni ancha sodda va tushunarli. Barcha zarur qadamlar va koʻrsatmalar xizmat interfeysida keltirilgan.

Xizmatdan foydalanish uchun:

- my.gov.uz ga kirish;

- tegishli xizmatni tanlash;

- soʻralgan maʼlumotlarni toʻldirgan holda ariza yoʻllash kifoya.

Natija 10 ish kunida taqdim etiladi. Xizmatdan foydalanish mutlaqo bepul!

Yangi onlayn xizmatdan foydalaning va hech qanday muammosiz pensiya oling!