PROFILAKTIKA! 21 dan 24 martgacha Yagona portal ish faoliyati vaqtincha to‘xtatiladi. Noqulayliklar uchun uzr so'raymiz!
image

Noshirlik va matbaa sohasida faoliyat ko‘rsatuvchi tadbirkorlar uchun

30.07.2020

Endilikda noshirlik va matbaa sohasida faoliyat ko‘rsatuvchi tadbirkorlardan litsenziya va ruxsatnoma olish talab etilmaydi.

Bunda tadbirkorlik sub'yektlari noshirlik va matbaa faoliyatini boshlaganidan keyin 10 kun ichida Davlat xizmatlari markazlari yoki Yagona interaktiv davlat xizmatlari portali orqali Axborot va ommaviy kommunikatsiyalar agentligini xabardor qilib qo‘yishi kerak.

Tadbirkorlarning davlat muassasalariga shaxsan murojaat qilishlari ham shart emas. Buning uchun internet tarmog‘i orqali Yagona interaktiv davlat xizmatlari portaliga kirib, “Litsenziyalash” bo‘limidan “Matbaa faoliyatini amalga oshirishda vakolatli davlat organini xabardor qilish” bandi orqali kerakli xizmatni topishi, tegishli maydonlarni to‘ldirib, ariza yuborishi va avtomatik tarzda tasdiqnoma olishi mumkin. Bundan tashqari, saytning qidiruv tizimidan “matbaa”, “noshirlik” kalit so‘zlarini kiritish orqali ham bir necha soniyada ushbu xizmatlarni topish imkoniyati mavjud.

Xabarnoma yuborilganidan so‘ng, avtomatik tarzda natijasi bo‘yicha davlat reyestriga kiritilganligi to‘g‘risida QR-kod qo‘yilgan tasdiqnoma tadbirkorga real vaqt rejimida beriladi. Eng muhimi, mazkur xizmatlar mutlaqo bepul amalga oshiriladi.

Mazkur yangilik litsenziya va ruxsat berish sohasida amalga oshirilayotgan islohotlarning mantiqiy davomi sifatida tadbirkorlik sub'yektlariga yanada ko‘proq qulaylik yaratishga xizmat qiladi.

Eslatma, noshirlik faoliyati uchun avval olingan va amal qilish muddati tugamagan litsenziyasi bo‘lgan tadbirkorlar o‘z faoliyatini davom ettirayotganligi to‘g‘risida vakolatli organni xabardor qilib qo‘yishlari lozim.

Xizmatga o‘tish havolalari:
https://my.gov.uz/oz/service/317
https://my.gov.uz/oz/service/318

Barcha yangiliklar

My.gov.uz portali server qurilmalari koʻchirilmoqda!

Joriy yilning 21-24-mart kunlari Yagona interaktiv davlat xizmatlari portali (my.gov.uz) server qurilmalarini Raqamli hukumat markazining Maʼlumotlarni qayta ishlash markaziga koʻchirish boʻyicha tashkiliy-texnik ishlar amalga oshiriladi.

15.03.2024
Endilikda pedagogik faoliyatni boshlayotgan kadrlar kasbiy sertifikatga ega bo'lishi talab etiladi

Mazkur talabdan kelib chiqib My.gov.uz portalida "Davlat umumiy oʻrta taʼlim tashkilotlari pedagog kadrlarini kasbiy sertifikatlash" xizmati ishga tushirildi

11.03.2024
My.gov.uz portali orqali 2 ta yangi davlat xizmatlari ishga tushirildi

2024-yil 1-mart sanasidan boshlab My.gov.uz portalida yoshlarning IT-sertifikat xarajatlarini qoplash va o‘quv markazlarini qo‘llab-quvvatlash maqsadida 2 ta yangi davlat xizmati ishga tushirildi

04.03.2024
Endi barcha fanlardan milliy sertifikat olish mumkin

My.gov.uz portalida barcha fanlardan (tegishli umumta’lim va maxsus fanlardan) bilish darajasini aniqlash va milliy sertifikat olish uchun imtihonda qatnashishga ariza berish xizmati joriy etildi.

22.02.2024
Yana bir yangi xizmat!

Endilikda jismoniy va yuridik shaxslar o‘z mulklarini qo‘riqlash xizmatiga topshirish uchun My.gov.uz orqali onlayn ariza berishlari mumkin.

13.02.2024