“Tez yordam”ning tezkorligi qanday oshdi?

Guruhimiz bilan Toshkent shahar tez tibbiy yordam stansiyasiga kirib borar ekanmiz, qaynoq jarayonning guvohi bo‘ldik. Haqiqatan, barchasi juda tezkor. Hatto shifokorlarning bir-ikkita savolimizga javob berishga ham vaqti yo‘q va biz ularni tushundik. Axir, gap inson salomatligi haqida ketyapti va bu o‘rinda har bir daqiqa g‘animat...

Faoliyat avtomatlashtirilishi hisobiga jarayonlar qisqarib, kerak bo‘lmagan bosqichlar olib tashlangan. Operatorlarga, brigada felsherlari hamda shifokorlarga juda katta qulayliklar yaratilgan. 

Eng muhimi, aholiga tezkor va sifatli xizmat ko‘rsatishga erishilibdi. 

Hozirgi kunda operatorlar kelib tushayotgan qo‘ng‘iroqlarni 2 soniyadan uzog‘i 7 soniyagacha qabul qilib, 1 daqiqa ichida brigadaga yetkazishmoqda. 

Tezkor yo‘lga chiqqan guruh esa yangi texnologiyalar sharofati bilan “Eng qimmatli birinchi soat”da bemorga sifatli tez tibbiy yordam ko‘rsatishga muvaffaq bo‘lmoqda. 

Bugungi videoreportajimiz aynan shu haqida. Marhamat, birgalikda ko‘ramiz: