Yirik investitsiya loyihasini amalga oshirish bo‘yicha faqat YaIDXP va DXM orqali ariza beriladi

2021-09-22 09:00:00

Yirik investitsiya loyihasini amalga oshirish bo‘yicha faqat YaIDXP va DXM orqali ariza beriladi

Hukumat qarori (592-son, 21.09.2021 y.) bilan Yirik investitsiya loyihasini amalga oshirish uchun eng yaxshi taklifni tanlab olishning ma’muriy reglamenti tasdiqlandi. Bu haqda Huquqiy axborot kanali ma’lum qildi.

Ma’muriy reglamentga ko‘ra, yirik investitsiya loyihasi deyilganda qiymati kamida 10 million AQSh dollari ekvivalentidagi investitsiya loyihasi tushuniladi.

Loyihani amalga oshirish uchun eng yaxshi takliflar Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari bo‘yicha Hukumat komissiyasi tomonidan tanlab olinadi.

Talabgor yirik investitsiya loyihasini amalga oshirish bo‘yicha faqat DXM va YIDXP (my.gov.uz) orqali ariza bilan murojaat etadi. 

Ariza DXM orqali taqdim etilganda BHMning 1 baravari (270 ming so‘m) miqdorida yig‘im undiriladi.

YIDXP orqali murojaat etilganda bu miqdor 243 ming so‘mni (10 foizli chegirma) tashkil etadi.