PROFILAKTIKA! 21 dan 24 martgacha Yagona portal ish faoliyati vaqtincha to‘xtatiladi. Noqulayliklar uchun uzr so'raymiz!
image

Yagona portalda yangi xizmat yo‘lga qo‘yiladi

05.10.2021

Yagona portalda yangi xizmat yo‘lga qo‘yiladi

Vazirlar Mahkamasining qaroriga asosan Arxiv ishi va ish yuritish sohasida davlat xizmatlari ko‘rsatishning ayrim ma’muriy reglamentlari tasdiqlandi.

Mavzuli so‘rovlarni ijro etish bo‘yicha davlat xizmatlarini ko‘rsatish uchun:

- Ariza beruvchi Davlat xizmatlari markaziga o‘zi kelib murojaat etadi yoki elektron shaklda foydalanish uchun YaIDXP (my.gov.uz)dan ro‘yxatdan o‘tadi.

- ariza beruvchilar (jismoniy shaxslar) mavzuli so‘rovlarni ijro etish bo‘yicha so‘rovnoma to‘ldiradi;

- So‘rovnomaga quyidagi hujjatlar ilova qilinadi:

  • ariza beruvchi ishonchnoma asosida harakat qilayotganda – ishonchnoma nusxasi;
  • ariza beruvchi vorislik haqidagi guvohnomaga asosan merosxo‘r bo‘lganda –vorislik haqidagi guvohnoma nusxasi, ariza beruvchi qonuniy vakil bo‘lsa – uni tasdiqlovchi hujjat nusxasi;
  • so‘ralayotgan hujjatning nusxasi (agar mavjud bo‘lsa);
  • chegirmalardan (imtiyozlar) foydalanish uchun tegishli hujjatlar nusxasi ilova qilinadi.

Xizmat ko‘rsatish muddati  —  22 ish kuni.

To‘lov -  BHMning 0,5 barobaridan 1 barobarigacha (so‘rov hajmi va mazmunidan kelib chiqib) miqdorida yig‘im undiriladi.

Xizmatni ko‘rsatishda “Ijtimoiy himoya yagona reyestri”ga kiritilgan va (yoki) I va II guruh nogironligi bo‘lgan shaxslarga asoslovchi hujjatlar ilova qilingan taqdirda, davlat xizmatlari markazlari yoki YaIDXP orqali davlat xizmatini ko‘rsatishda mazkur davlat xizmati uchun belgilangan yig‘imlar bo‘yicha 50 foiz miqdorida chegirma qo‘llaniladi.

Barcha yangiliklar

My.gov.uz portali server qurilmalari koʻchirilmoqda!

Joriy yilning 21-24-mart kunlari Yagona interaktiv davlat xizmatlari portali (my.gov.uz) server qurilmalarini Raqamli hukumat markazining Maʼlumotlarni qayta ishlash markaziga koʻchirish boʻyicha tashkiliy-texnik ishlar amalga oshiriladi.

15.03.2024
Endilikda pedagogik faoliyatni boshlayotgan kadrlar kasbiy sertifikatga ega bo'lishi talab etiladi

Mazkur talabdan kelib chiqib My.gov.uz portalida "Davlat umumiy oʻrta taʼlim tashkilotlari pedagog kadrlarini kasbiy sertifikatlash" xizmati ishga tushirildi

11.03.2024
My.gov.uz portali orqali 2 ta yangi davlat xizmatlari ishga tushirildi

2024-yil 1-mart sanasidan boshlab My.gov.uz portalida yoshlarning IT-sertifikat xarajatlarini qoplash va o‘quv markazlarini qo‘llab-quvvatlash maqsadida 2 ta yangi davlat xizmati ishga tushirildi

04.03.2024
Endi barcha fanlardan milliy sertifikat olish mumkin

My.gov.uz portalida barcha fanlardan (tegishli umumta’lim va maxsus fanlardan) bilish darajasini aniqlash va milliy sertifikat olish uchun imtihonda qatnashishga ariza berish xizmati joriy etildi.

22.02.2024
Yana bir yangi xizmat!

Endilikda jismoniy va yuridik shaxslar o‘z mulklarini qo‘riqlash xizmatiga topshirish uchun My.gov.uz orqali onlayn ariza berishlari mumkin.

13.02.2024