“Elektron hukumat” ishlasa...

Sizga ham kunlar, yillar bir-birining ortidan quvib o‘tayotgandek tuyulyaptimi?

Bolalikda hammasi boshqacha edi-ya. Erta tongdan kun botguncha maza qilib o‘ynardik. Qarindoshlarning har ko‘rganida “Voy, bo‘ylaring cho‘zilib qolibdi, ulg‘ayibsan” deya gapga solishlari biroz erish tuyulgandir o‘shanda. 

Mana endi hammasini tushungandekmiz. Ular kunlar va oylar bunchalik tez o‘tayotganidan hayron bo‘lishgan. Vaqtning tezlashib borayotganini his qilish esa ulg‘ayish belgisi ekan... 

Bugun 30 yillik yo‘lni bosib o‘tgan, navqiron yoshdagi O‘zbekistonimiz uchun ham vaqt va inson qadri juda muhim... 

E’tibor bergan bo‘lsangiz, qachonlardir fantastik adabiyotlar yoki filmlar orqali tanish bo‘lgan xayolotimizdagi elektron munosabatlar bugun real hayotimizga kirib keldi.

Ayniqsa, so‘nggi 10 yillikda hukumat va odamlar o‘rtasidagi munosabatlarning raqamli ko‘rinishga o‘tishi jadallashdi.

Endi-endi “Elektron hukumat” ishlasa, bizga hayotiy qulayliklar yaratilishini, vaqtimiz va mablag‘imiz tejalishini, adolat va shaffoflik ta’minlanishini his eta boshladik.

Bunga biroz shubha bildirayotganlarga esa quyidagi videorolikni ko‘rishni tavsiya qilamiz: http://link.egov.uz/ef6a