Ishonchli g‘alaba muborak!

Bugun rasman saylov natijalari e’lon qilinib, unda Tadbirkorlar va ishbilarmonlar harakati – O‘zbekiston Liberal-demokratik partiyasidan nomzod Shavkat Miromonovich Mirziyoyev saylovchilarning eng ko‘p – 80,1 foiz ovozini olib, ishonchli g‘alaba qozongani va O‘zbekiston Respublikasi Prezidenti etib saylangani ma’lum bo‘ldi.

Elektron hukumat loyihalarini boshqarish markazi nomidan Shavkat Miromonovichni ushbu g‘alaba bilan chin dildan qutlaymiz. Xalqimiz farovonligi va Vatanimiz ravnaqi yo‘lida aslo tolmang, endigi faoliyatingizda ham ulkan muvaffaqiyatlar yor bo‘lsin deb qolamiz!

Shu o‘rinda fuqarolarimizga, saylov jarayonining adolatli va haqqoniy o‘tkazilishiga hissa qo‘shgan Yagona interaktiv davlat xizmatlari portalidagi “Saylov uchastkasini aniqlash” hamda “Saylov uchastkasini almashtirish” xizmatlari to‘xtatilganini ma’lum qilamiz.