50 foizlik chegirma beriladigan xizmatlar ro‘yxati

Avval ham xabar berganimizdek, 2021 yil 1 noyabrdan "Elektron hukumat" tizimining tarkibiy qismi bo‘lgan "Ijtimoiy himoya yagona reyestri" axborot tizimida ro‘yxatga olingan shaxslarga, shuningdek, I va II guruh nogironligi bo‘lgan fuqarolarga davlat xizmatlarini ko‘rsatishda 50 foizlik chegirma beriladi. 

Yagona interaktiv davlat xizmatlari portali (YIDXP) va Davlat xizmatlari markazi orqali ko‘rsatiladigan 50 foizlik chegirmaga ega xizmatlar ro‘yxati ham tasdiqlangan. 

Jumladan: 
▪️Nikoh qayd etilganligi, nikohda turmasligi yoki nikohdan ajralganligi to‘g‘risidagi maʼlumotnomani olish;
▪️Xorijiy davlatda taʼlim olganlik to‘g‘risidagi hujjatni tan olish va nostrifikatsiyalash (ekvivalentligini qayd etish) uchun elektron ariza yuborish;
▪️Sudlanmaganlik (yoki sudlanganlik) to‘g‘risida maʼlumotnomalarni olish uchun ariza yuborish;
▪️O‘lim ro‘yxatga olinganligi haqida maʼlumotnomani olish;
▪️Pasportni ID kartaga almashtirish uchun ariza yuborish;
▪️Tug‘ilganlik haqida maʼlumotnomani olish;
▪️Issiqlik taʼminoti tarmoqlariga ulanish uchun texnik shartlarni olish;
▪️Kadastr pasportini shakllantirish va boshqalar.

My.gov.uz manzilida ushbu imtiyozlardan qulay vaqtda – 24 soat davomida elektron foydalanish imkoniyati mavjud.