image

Endi yo‘qotilgan haydovchilik guvohnomasini tiklashda ham Yagona portaldan foydalanish mumkin

02.12.2021

Endi yo‘qotilgan haydovchilik guvohnomasini tiklashda ham Yagona portaldan foydalanish mumkin

Vazirlar Mahkamasining 2021-yil 4-maydagi 271-son qarori ijrosini ta’minlash maqsadida, Yagona interaktiv davlat xizmatlari portalida “Yo‘qolgan haydovchilik guvohnomasini tiklash uchun imtihonga ariza yuborish” xizmati ishga tushirildi.

Afzalligi nimada?

Mazkur xizmatning qulayligi shundaki, endi fuqarolar yo‘qotilgan guvohnomani tiklash uchun Davlat yo‘l harakati xavfsizligi xizmatining ro‘yxatdan o‘tkazish va imtihon olish bo‘linmalariga tashrif buyurmagan holda tegishli hujjatlarni elektron ilova qilishlari mumkin.

Bunda aholining ham vaqti, ham naqdi tejaladi.

Qanday hujjatlar talab etiladi?

Ilova qilinadigan hujjatlar ro‘yxati:

1. Haydovchilarni tayyorlash va qayta tayyorlash kurslarini tugatganlik to‘g‘risidagi guvohnoma.
2. 083 shakldagi tibbiy ma’lumotnoma (amal qilish muddati 3 oydan o‘tmagan bo‘lishi lozim).
3. Oxirgi bir yil davomida avtotransport vositasini boshqarganligi to‘g‘risida ma’lumotnoma (ishonchnoma, haydovchilik bilan shug‘ullansa, ishxonadan ma’lumotnoma, texpasport va boshqalar).
4. Yo‘qolgan haydovchilik guvohnomasi (nusxasi mavjud bo‘lsa).

Keyingi jarayonlar

Taqdim etilgan hujjatlar tekshirilgach, murojaatchiga Davlat yo‘l harakati xavfsizligi xizmati tomonidan ro‘yxatdan o‘tkazish va imtihon olish bo‘linmalariga tashrif buyurish, imtihonlardan o‘tish uchun qonunchilikda belgilangan to‘lovlarni amalga oshirish hamda nazariy va amaliy imtihondan o‘tishi mumkinligi to‘g‘risida xabarnoma yuboriladi.

Eslatib o‘tamiz: Yagona portal foydalanuvchilari yuborilgan arizalar holatini ham my.gov.uz manzilida masofadan kuzatib borish imkoniyatiga ega.

Barcha yangiliklar

Yana bir yangi xizmat!

Endilikda jismoniy va yuridik shaxslar o‘z mulklarini qo‘riqlash xizmatiga topshirish uchun My.gov.uz orqali onlayn ariza berishlari mumkin.

13.02.2024
My.gov.uz portalida yana bir yangi xizmat ishga tushirildi

Endilikda gid-tarjimon, ekskursiya yetakchisi va yoʻriqchi-yoʻl boshlovchi sertifikatini olish uchun onlayn ariza berish mumkin.

05.02.2024
My.gov.uz'da roʻyxatdan oʻting va qonuniy ishlang!

My.gov.uz xizmatidan foydalangan holda, Siz "O'zini-o'zi band qilgan shaxs" sifatida ro'yxatdan o'tishingiz mumkin.

30.01.2024
Attestatsiyadan oʻtish va malaka toifalarini olish endilikda onlayn shaklda amalga oshiriladi

My.gov.uz portalida tibbiyot va farmatsevtika sohasi xodimlari uydan chiqmasdan attestatsiyadan oʻtish va malaka toifalarini olish imkoniyati yaratildi.

23.01.2024
Yangi talqindagi Yagona interaktiv davlat xizmatlari portalidan foydalanish qulayligini oshirish yuzasidan so‘rovnoma

Elektron davlat xizmatlaridan foydalanishning yanada oson va qulay boʻlishini taʼminlash uchun Yagona interaktiv davlat xizmatlari portalini takomillashtirishga qaratilgan kichik soʻrovnoma oʻtkazilmoqda.

12.01.2024