O‘zbekiston Respublikasi Prezidentining “Ipoteka krediti mexanizmlari yana-da takomillashtirilishi munosabati bilan O‘zbekiston Respublikasi Prezidenti va O‘zbekiston Respublikasi Hukumatining ayrim hujjatlariga o‘zgartirish va qo‘shimchalar kiritish to‘g‘risida”gi PF-6126-son farmoni qabul qilindi.

Mazkur farmon bilan Vazirlar Mahkamasining 2020-yil 25-martdagi 182-sonli qaroriga kiritilgan o‘zgartirishlarga ko‘ra, 2020-yildagi subsidiyalar to‘lashning maqsadli mo‘ljallari doirasida subsidiya olish uchun ariza topshirish muddati 2020-yil 31-dekabrga qadar va to‘lov muddati 2021-yil 1-iyulga qadar uzaytirildi.

Belgilangan muddatlarda ipoteka kreditiga davlat subsidiyasini olishga ariza berishga shoshiling.

Shuningdek, subsidiya olish uchun murojaat qilgan ariza beruvchining daromadlariga boshqa shaxslar daromadlari ham kiritilishi mumkin bo‘ldi.

my.gov.uz – Siz uchun qulay bo‘lgan davlat xizmatlari!

Xizmatga o‘tish uchun havola: https://my.gov.uz/uz/service/325