Pensiya hisobvaragʼingizga qancha mablagʼ yigʼilganini bilishni istaysizmi?

2005-yildan kuchga kirgan Oʼzbekiston Respublikasining “Fuqarolarning jamgʼarib boriladigan pensiya taʼminoti toʼgʼrisida”gi Qonunidan hanuzgacha bexabarlar koʼp. 

Аksariyat kishilar shaxsiy jamgʼarib boriladigan pensiya hisobvaragʼidagi mablagʼni nafaqaga chiqqanida har oy oladigan pensiya puli bilan adashtirishadi. 

Bu haqida maʼlumotga ega boʼlganlar esa hisobvaragʼiga qancha mablagʼ yigʼilganini bilish uchun bankka tez-tez qatnab turishadi. 

Аxir, bu nafaqaga chiqqanda yillar davomida toʼplanib turgan mablagʼni (har oylik pensiyadan tashqari) bir marotaba ulgurji yoki boʼlib-boʼlib olish imkoniyati-ku. 

Bunga siz ham qiziqib qoldingizmi? Yoki allaqachon bankka qatnab, navbat kutishdan charchagansizmi?

Demak, bexabarsiz. Yagona portalda yaratilgan qulaylikdan foydalanmagansiz? 

Chunki my.gov.uz manzilida nafaqat “Shaxsiy jamgʼarib boriladigan pensiya hisobvaragʼi holati haqida maʼlumot”ga ega boʼlish, balki tegishli maʼlumotnomani tez va oson yuklab olish imkoniyati ham bor.

Maʼlumot oʼrnida: duch kelingan muammo va xatoliklar yuzasidan Xalq bankining (71) 210-20-02 yoki 1106 ishonch raqamlariga 24 soat davomida murojaat qilishingiz mumkin.