Oila – muqaddas go‘sha. Ayniqsa, butun oilaning bir joyga jam bolishi har birimizni quvontiradigan holat.

Ko‘chadagi har qanday ob-havo esa butun oila tarkibini Yagona portalda jamlashga to‘siq bo‘lolmaydi.

Buning uchun my.gov.uz manzilida “Mening oilam” bo‘limiga o‘ting. Bordi-yu, unga oilangiz tarkibi noto‘g‘ri kiritilgan yoki begonalar qo‘shilib qolgan bo‘lsa, uni darhol o‘zgartiring. Oila tarkibi to'grisidagi ma’lumotlarni to‘liq kiritib, tahrirlashga ariza yuboring.

Oila tarkibi haqidagi ma’lumotlar bizga qachon qo‘l keladi?
Subsidiya olish, sug‘urta bilan bog‘liq jarayonlar, ishonchnoma shakllantirish, kredit masalalari va boshqa holatlarda.

Eng muhimi, oilangiz elektron bazada to‘liq jamlanganidan ko‘nglingiz xotirjam tortadi.

Oila tarkibi haqida ma’lumot so‘ralgan joylarga qog‘oz hujjatlar ko‘tarib yurishga hojat qolmaydi.

Qaysi davlat tashkilotiga bormang, oilangiz tarkibi bo'yicha ma’lumotlar avtomat tarzida chiqib keladi.